Salyan Demokratiyaya Yardım İctimai Birliyinin fəalı, hüquq müdafiəçisi və ictimai vəkil Tofiq Qasımov aprelin 4-də xuliqanlıq ittihamı ilə 10 sutka inzibati qaydada həbs edilib. Bu barədə Turan-a müsahibəsində birliyin rəhbəri Emil Məmmədov bildirib.
O, ittihamı qurama adlandırıb. “Əslində Tofiq Qasımovun həbsi Demokratiyaya Yardım İctimai Birliyinin üzvü olması ilə bağlıdır. Səbəb odur ki, ötən ilin dekabrında təşkilatımız adından Azərbaycan prezidentinə, bu ilin fevralında isə Prezident Administrasiyanın rəhbərinə rayondakı korrupsiya hallarının araşdırılması xahişi ilə müraciət etmişəm. Elə o vaxtdan da icra hakimiyyəti başçısı məni düşmən kimi görür, elə bir toplantı yoxdur ki, mənim əleyhimə danışmasın. Özünə yaxın adamlar vasitəsi ilə xəbərdar olunmuşam ki, mənim həbsimə nail olacaqlar”, deyə o qeyd edib.
E.Məmmədov iddia edir ki, Tofiq Qasımovdan təzyiq yolu ilə onun əleyhinə ifadə almaq istəyirlər. “Qasımova təzyiq edirlər ki, guya idarə və müəssisələrdən tələblər edib və bu tələblərin edilməsini guya mən ondan istəmişəm”.
O, Tofiq Qasımovun hüquqlarının müdafiəsinin təşkil edilmədiyini və onun vəkillə təmin edilmədiyini deyib. “Bakıdakı hüquq müdafiə təşkilatlarından Qasımovun hüquqlarının müdafiəsi üçün vəkil tutmalarını xahiş edirəm”, deyə o qeyd edib. -03-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz