Bakı/04.04.18/Turan: Şamaxı şəhəri ərazisində torpaq sürüşməsi baş verib. Bu barədə Turan-a Şamaxı Rayon İcra Hakimiyyətinin arxitektura şöbəsinin baş məsləhətçisi Dilguşə Məmmədova bildirib.
Onun sözlərinə görə, sürüşmə əsasən Şamaxı şəhərinin 48-ci məhəlləsini əhatə edir və son vaxtlar Şamaxıya yağan qar və yağışdan sonra sürüşmə yenidən aktivləşib: "Amma bu ərazidə sürüşmə 2016-cı ildən qeydə alınıb. Bununla bağlı Ekologiya və Təbii Sərvətlər Nazirliyinin nümayəndələri əraziyə gəliblər, sənədlər hazırlanıb və Fövqəladə Hallar Nazirliyinə təqdim olunub.
D.Məmmədova deyir ki, sürüşmə zonasında 12 ev yerləşir: "Bu evlərin 7-si qəzalı durumdadır, 3 evdə yaşamaq təhlükəlidir, 2 ev isə sürüşmə ərazisindən nisbətən kənardadır. Həm də bu evlər təzə evlər idi, məskunlaşma yox idi, 12 evdən ancaq 1 evdə ailə yaşayırdı".
Onun sözlərinə görə, torpaq sürüşməsi geniş ərazini əhatə edib, nəticədə evlərdə iri çatlar əmələ gəlib, bəzi yerlərdə torpaq qabarmaları görünür.
D.Məmmədova bildirir ki, bəzi həyətyanı sahələrin hasarları torpağın altında qalıb, evlərin və yardımçı tikililərin divarlarında iri çatlar əmələ gəlib. -05B-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz