Şamaxı və Ağsu rayonlarında yeraltı təkanlar daha çox hiss edilib (yenilənib)

"Azadlıq" radiosunun məlumatına görə, Şamaxı və Ağsu rayonlarında yeraltı təkanlar daha güclü olub.

Bəzi yaşayış məntəqələrində sakinlər evlərini tərk ediblər və yeni təkanlardan ehtiyat edərək küçədə qalıblar.

Şamaxı rayonunun bəzi yaşayış məntəqələrində elektrik enerjisinin verilməsi dayandırılıb.

İnsan tələfatı haqda məlumat daxil olmayıb.-0-

* * *

Respublika Seysmoloji Xidmət Mərkəzinin ilkin məlumatına əsasən zəlzələ yerli vaxtla saat 23:32-də baş verib. Zəlzələnin mərkəzi İsmayıllı rayonu olub.

Zəlzələ episentrdə 6 bal, ətraf rayonlarda 5.3 bala qədər hiss olunub.

Bundan əvvəl xəbər verilirdi ki, fevralın 5-də axşam saatlarında respublika ərazisində zəlzələ baş verib.

İlkin məlumatlarda zəlzələnin Şamaxı və Ağsu rayonlarında daha çox hiss edildiyi bildirilir.

Hazırda Şamaxı və Ağsu rayonlarında sakinlərin küçələrdə olduğu qeyd edilir.

Yerli sakinlərin deməsinə görə, Şamaxı rayonunda bir çox yaşayış məntəqələrində elektrik kəsilib.

İnsan təlafatı haqqında məlumat yoxdur.