Sayt redaktorunun işi üzrə istintaq qeyri-obyektiv aparılır – redaktorun həyat yoldaşı
Bakı/12.11.19/Turan: Həbs edilmiş jurnalist Polad Aslanovun həyat yoldaşı Gülmira Aslanova ərinin işi üzrə istintaqın qeyri-obyektiv olduğunu bildirib.
O, öz Facebook səhifəsində yazır ki, istintaqa işlə əlaqəsi olmayan şəxslər, o cümlədən jurnalistin keçmiş qonşuları çağırılır.
“Onlara deyirlər ki, guya adlarını istintaqa biz – Polad və mən vermişik. Amma belə bir şey olmayıb”, deyə Aslanova qeyd edir. Onun sözlərinə görə, istintaqa çağırılan şəxslərdən təzyiq altında jurnalistə qarşı ifadə verməyi tələb edirlər.
“Dindirilməyə çağırılanlardan oraya vəkilləri və ya nümayəndələri ilə birlikdə getməyi və həqiqəti söyləməyi xahiş edirəm. İstintaq başa çatdıqdan sonra Polada qarşı yalan ifadə verən jurnalistlərin və digər şəxslərin adlarını açıqlayacağam”, deyə Aslanova yazır.
O, həmçinin Qazaxda “Tövbə” məscidinin axundunun evində guya Aslanovun istintaqda onun adını çəkməsi bəhanəsi ilə axtarış aparıldığını bildirib.
“Axundu Poladın fəaliyyəti haqqında sorğu-sual ediblər. Amma onlar cəmi iki dəfə görüşüblər və bir dəfə telefonla axund rayon hakimiyyətinin ona təzyiq göstərməsi və vaxtilə hakimiyyətin göstərişi ilə psixiatriya xəstəxanasına yatırıldığı faktını yaymağı xahiş edib.
* Xatırladaq ki, xeberman.com saytının redaktoru Polad Aslanov iyunun 12-də saxlanılıb və növbəti gün məhkəmə onu CM-in 274-cü (dövlətə xəyanət) ittihamı ilə 4 ay müddətinə həbs edib. İstintaqı Dövlət Təhlükəsizlik Xidməti aparır.
Oktyabrın 5-də jurnalistin həbs müddəti 4 ay uzadılıb. Yerli və beynəlxalq təşkilatlar Aslanovun cinayət ittihamını pisləyir, onun həbsinin əsl səbəbinin jurnalistlik fəaliyyəti ilə bağlı olduğunu hesab edirlər. -06B-
-
- Maliyyə
- 12 Noyabr 2019 16:27
Cəmiyyət
-
Polis əməkdaşları tərəfindən gizli sexdə saxta spirtli içkilər hazırlayaraq satış şəbəkəsi quran dəstə üzvlərinə qarşı əməliyyat keçirilib. Nəticədə Mikayıl Abbasov və onun rəhbərlik etdiyi dəstənin üzvləri Fərid Məmmədov, Fərid Haqverdiyev, Əhməd Mikayılov, Mehman Cəfərov və Nurlan Zamanov tutulublar. Bu barədə XİN-in mətbuat xidməti bildirib.
-
Azərbaycan səhiyyə sahəsində əhəmiyyətli bir addım atmağa hazırdır, belə ki, gələn ildən onkoloji xəstəliklərin müalicəsini icbari tibbi sığorta sisteminə daxil etməyi planlaşdırır.
-
Azərbaycanın Milli Hidrometeorologiya Xidməti meteoroloji hadisələr haqqında təxminlərdə rəng şkalasından istifadə edəcək. Bu barədə qurumun nümayəndələrinin bugünki mətbuat konfransında bildirilib.
-
Azərbaycanda bu il iki seçkinin keçiriləcəyi gözlənilir. Söhbət həm parlament, həm də bələdiyyə seçkilərindən gedir. Bələdiyyə seçkilərinin öz vaxtı elə bu ildir. Azərbaycanda sonuncu parlament seçkiləri isə dörd il əvvəl növbədənkənar (altı ay vaxtından əvvəl) keçirilib. Bu, hakim düşərgədə "islahatların sürətləndirilməsi" istəyi ilə izah edilib. Hərçənd, bəzi müxalifət partiyaları onu "seçkinin tez-tələsik saxtalaşdırılması" adlandırıb. Azərbaycanda parlament seçkiləri, qanunvericiliyə əsasən, beş ildən bir keçirilməlidir.
Rəy yaz