Açiq mənbələrdən foto.
Bakı/01.07.22/Turan:Yay mövsümü ilə əlaqədar adamlar kütləvi tədbirlərdə daha çox iştirak edirlər . Bu səbəbdən koronavirusa yoluxma sayında nisbətən artım qeydə alınır. Bu barədə səhiyyə naziri Teymur Musayev jurnalistlərlə söhbətində bildirib.
“Demək olar ki, ağırlaşmalar yoxdur. Hospitalizasiya sayı aşağı səviyyədədir. Hesab edirik ki, epidemioloji vəziyyət tam nəzarətdədir. Təbii ki, hər hansı bir sıçrayış olsa, uyğun şəkildə müvafiq addımlar atılacaq", - nazir deyib.
Nazir hesab edir ki, əgər payızda epidemiya baş qaldırmasa, pandemiyanın bitdiyindən danışmaq mümkün olacaq.
O qeyd edeb ki, Azərbaycan əhalisinin 74 faizinin COVID-19-a qarşı peyvənd olunub.
Meymunçiçəyi virusununu yayılma ehtimalına toxunan nazir qeyd edib ki, hələlik Azərbaycanda meymunçiçəyi virusuna yoluxma faktı qeydə alınmayıb.
"Meymunçiçəyi virusuna qarşı heç bir vaksinasiya nəzərdə tutulmur. Bu, Ümumdünya Səhiyyə Təşkilatının strategiyasından irəli gəlir", - nazir qeyd edib. Odur ki, Azərbaycanın sərhəd- keçid məntəqələrində meymunçiçəyi virusuna qarşı hər hansı spesifik tədbirlər nəzərdə tutulmayıb.-16d-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz