Şəhla İsmayıl Fransanın Fəxri Legion Ordeni kavaleri adına layiq görülüb. Turan
Bakı/02.06.2/Turan: Rasional İnkişaf Uğrunda Qadınlar Cəmiyyətinin rəhbəri Şəhla İsmayıl gender bərabərliyinin inkişafına və sülhyaratmaya verdiyi töhfəyə görə Fransanın Xidmətlərə görə Milli Kavaler Ordeni ilə təltif edilib.
İyunun 2-də Fransa səfirliyində mükafatın təqdim edilməsi mərasimi keçirilib. Fransa səfiri Zakari Qross ordeni təqdim edərək Şəhla İsmayılın qadın hüquqlarının müdafiəsi, inklüziv cəmiyyətin inkişafı, Cənubi Qafqaz regionunda sülhün bərqərar olmasındakı xidmətlərindən danışıb.
"Şəhla İsmayıl gender probleminin həllinə böyük töhfə verib və biz ümid edirik ki, bu məsələ nə vaxtsa öz həllini tapacaq",- o deyib.
Şəhla İsmayıl cavab çıxışında onun fəaliyyətinə verilən belə yüksək qiymətə görə təşəkkürünü bildirib.
"Uşaqlıqdan kimisə müdafiə etmək istəyirdim, amma buna görə nə vaxtsa mükafatlandırılacağımı düşünmürdüm", - o deyib.
Şəhla İsmayıl öz işini yüksək peşəkarlıqla qurur və müxtəlif təşəbbüslərin, o cümlədən demokratiya, insan hüquqları, Ermənistan-Azərbaycan münaqişəsinin sülh yolu ilə nizamlanması sahəsində təşəbbüslərin iştirakçısıdır.
Mükafatlandırma mərasimində bir sıra ölkələrin diplomatik korpusunun və Azərbaycanın vətəndaş cəmiyyətinin nümayəndələri iştirak ediblər. -0—
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz