Bakı/15.01.19/Turan: Bu gün "Səid Dadaşbəylinin dəstəsi" işi üzrə 12 il azadlıqdan məhrum edilmiş Mikayıl İdrisov və Emil Möhbalıyev cəza müddəti başa çatdığına görə həbsdən buraxılıblar.
Dəstənin üzvləri konstitusiya quruluşunun devrilməsinə hazırlıq, İran kəşfiyyatına işləmək, ölkədə şəriət rejiminin qurulması ittihamları ilə uzun müddətə mühakimə olunmuşdular.
Keçmiş MTN onlara qarşı İranla, beynəlxalq sünni radikal birləşmələri, hətta İsrail ilə əlaqələrə dair ittihamlar irəli sürmüşdü.
Hüquq müdafiəçiləri onları siyasi məhbus kimi tanıyıblar.
Bu iş üzrə keçənlərin bir çoxu, o cümlədən S.Dadaşbəyli hələ də həbsdədir.-06D--
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz