Ekspertlər iqtisadiyyat və struktur islahatları haqda

Bakı/15.01.19/Turan: "İlin başlanğıcından görünir ki, bu il iqtisadi vəziyyət heç də asan olmayacaq. Cari ilin dövlət və Əhalinin Sosial Müdafiə Fondunun büdcəsinə görə, hər ay büdcə sferasında çalışanların əməyinin ödənilməsi üçün 396 milyon manat, pensiyaların verilməsi üçün 300 milyon vəsait lazım olacaq. Lakin ilin ilk ayının yarısına çatsaq da hələ də pensiya və məvaciblər ödənilməyib. Bu, daha çox yanvar ayı ərzində büdcə və Sosial Sığorta Fonduna daxilolmaların ləngiməsi ilə əlaqədar ola bilər. Amma əvvəlki praktikadan çıxış etsək, əlaqədar orqanlar və maliyyə institutları tərəfindən yığılmış vəsaitlərin dövriyyəyə buraxılması və ondan faiz gəlirləri əldə edilməsi səbəbindən gecikdirilməsi də istisna olunmur", - iqtisadçı Qubad İbadoğlu belə hesab edir.

O, Facebook səhifəsində yazıb ki, vergi qanunvericiliyində son dəyişikliklərin tətbiqi ilə əlaqədar bəzi özəl şirkətlərdə iş yerlərinin ixtisar olunmasına başlanılıb.

"2019-cu ilin ağır iqtisadi gözləntiləri bir neçə dövlət qurumunun ləğvi barədə xəbərlərlə təsdiqlənir", - iqtisadçı Rövşən Ağayev mövzunu davam etdirib. Prezident İ.Əliyev sonuncu çıxışında struktur islahatlarının başlanacağını bəyan etmişdi. Yeni yaranmış dövlət komitələrinin dövlətə heç bir faydası yoxdur.

Tarif Şurası Katibliyi, Kənd Təsərrüfatı Nazirlyi yanında dörd dövlət agentliyi (onların əvəzində 85 əməkdaşı olan Aqrar Xidmətlər Agentliyi yaradılır) yeddi dövlət qurumu, həmçinin prezident yanında Strateji Araşdırmalar Mərkəzi ləğv edilib.

"Bundan sonra onlar ictimai əsaslarla fəaliyyət göstərəcəklər. Bir az da onlar dadına baxsınlar, görək, ictimai necə olur", - "Multimedia" Mərkəzinin rəhbəri Osman Gündüz Facebook-da yazıb.

SAM-ın ləğvi ictimai fəallar və politoloqlar arasında entuziazm yaradıb. "6 il öncə yazmışdım ki, SAM kimi təşkilatlar President Aparatı yanında olmur. Ümid edirəm ki, SAM ictimai əsaslarla özünü daha yaxşı təsdiq edəcək", - Əvəz Həsənov yazıb.

Jurnalist Aygün Muradxanlı isə SAM-ın ləğv olunmasını alqışlayıb. "Bütün fəaliyyəti dövründə cəmi bir araşdırma aparıblar, o da mənimlə bağlı. Mən Gülən camaatı, onların Azərbaycan qolları haqqında silsilə yazılar yazanda, strateji şəkildə araşdırıb tapmışdılar ki, xəbərləri mənə xalam qızı verir", - A.Muradxanlı yazıb.

"Büdcəyə yük olan, cəmiyyətə faydası dəyməyən bircə qurum belə çoxdur", - R.Ağayev fikrini davam etdirib.
"Rəqabətqabiliyyətli iqtisadiyyat qurmaq lazımdır. Bundan ötrü idarəetmənin ultramərkəzləşməsindən vaxt itirmədən imtina etmək, əks-mərkəzləşmə strategiyası qəbul edib seçkili idarəetmə sayəsində regionlarda iqtisadi idarəçiliyin müstəqilliyini artırmaq lazımdır. Lazımsızları ləğv eləmək, lazımlıların isə sosial-iqtisadi sahədə lokal səlahiyyətlərini seçkili yerli orqanların xeyrinə məhdudlaşdırmaq çox mühümdür.

Yerli səviyyədə sosial-iqtisadi problemlərin həllini sakinlər mərkəzi dövlət qurmlarından yox, özlərinin seçdikləri yerli özünüidarə orqanlarının qərarları ilə həll etməlidirlər.

Sosial-iqtisadi ehtiyaclar nazir və icra başçılarının kabinetlərində yox, açıq və kollektiv müzakirələr aparılan yerli parlamentlərdə (bələdiyyə şuralarında) müəyyən edilməli, ehtiyac olan vəsaiti də hamının gözü qabağında xərclənən yerli büdcələrdən ayırmaq lazımdır.

Gerçək iqtisadi inkişafın yolu tarazlı regional inkişafdan, əks-mərkəzləşmədən, demokratik yerli özünüidarə sisteminin qurulmasından keçir", - R.Ağayev fikrini yekunlaşdırıb.--0--

Rəy yaz

Cəmiyyət

Zorakılıq cəmiyyətdə nəyin göstəricisidir? – Mehriban Vəzir Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti