Yanvarın 21-də Tehranda keçirilən görüşdə İran prezidenti Məsud Pezeşkian və Azərbaycan baş nazirinin müavini Şahin Mustafayev iqtisadi sahədə ikitərəfli münasibətlərin möhkəmləndirilməsi məsələlərini müzakirə ediblər.
IRNA agentliyi bildirib ki, Pezeşkian Azərbaycanla əməkdaşlığın və qarşılıqlı əlaqələrin genişləndirilməsinin vacibliyini qeyd edib.
Mustafayev Azərbaycan prezidenti İlham əliyevin salamını Pezeşkiana çatdırıb və "son aylarda İranın yeni prezidentinin rəhbərliyilə baş verən müsbət dəyişiklikləri"qeyd edib.
Mustafayev həmçinin regionda sülh və sabitliyin təmin edilməsində İranın əhəmiyyətini vurğulayıb, nəqliyyat və enerji mübadiləsi sahəsində ikitərəfli münasibətlərin vəziyyəti barədə hesabatı təqdim edib.
Sonda o, "iki ölkə arasında strateji tərəfdaşlığı dərinləşdirmək" üçün prezident əliyevin Pezeşkianı Azərbaycana səfərə dəvət etdiyini bildirib.
Xatırladaq ki, Şahin Mustafayev Azərbaycan-İran hökumətlərarası komissiyasının 16-cı iclasında iştirak etmək üçün Tehrana gedib.
Siyasət
-
Azərbaycan prezidenti İlham Əliyev Somali dövlət başçısının Bakıya səfərinin iki ölkə arasında "sıx dostluq münasibətlərində yeni səhifə açacağına" əminliyini bildirib.
-
Rusiya Azərbaycan qazının Ukraynanın qaz-nəqliyyat sistemindən istifadə ilə Aİ-yə tədarükü mümkünlüyünü müzakirə etmir. Bu barədə çərşənbə axşamı jurnalistlərə Rusiya baş nazirinin müavini Aleksandr Novak bildirib. "Müzakirə olunmur", deyə o qeyd edib.
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
Rəy yaz