Məhkəmə  fəalı ev dustaqlığına buraxmayıb

Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq.

Bu qərarə çərşənbə günü hazırlıq iclasında hakim Aygün Qurbanova qəbul edib.

Vəkil Zibeydə Sadıqova bildirib ki, İbrahimi məhkəməyə əlləri qandallı vəziyyətdə aparıblar. Proses boyu nəzarətçilər onun yanında oturublar.

Bu tədbirlər onunla əlaqədar görülüb ki, əvvəlki iclasda fəal əsassız həbsinə etiraz edərək başını divara vuraraq yarıb.

Yanvarın 21-də yenidən müdafiə tərəfi İbrahimin ev dustaqlığına buraxılması barədə r vəsatət qaldırıb. Lakin məhkəmə vəsatəti təmin etməyib.

*6 sentyabr 2023-cü ildə Bakı hava limanında Nicat İbrahimi ölkədən buraxmayıblar.

Lakin onun xanımını və iki uşağını təyyarəyə buraxıblar. Bundan sonra o, qanunsuz qadağanın ləğvi tələbilə Daxili İşlər Nazirliyinə müraciət edib və Daxili İşlər Nazirliyinin binası qarşısında özünü yandıracağı ilə hədələyib.

Sentyabrın 9-da onu sağlamlığa qəsdən ziyan vurmaqda ittiham edərək saxlayıblar. Dekabrın 11-də ittiham 126.2.4-cü maddəyə (ümumi təhlükəli üsulla sağlamlığa qəsdən ciddi ziyan vurmaq) sərtləşdirilib.

Həmçinin ona qarşı Cinayət Məcəlləsinin 221.3-cü (silah tətbiqilə törədilmiş xuliqanlıq) maddəsilə ittiham irəli sürülüb. Bu maddələr üzrə onu  11 ilə qədər həbs təhlükəsi gözləyir.

** Nicat İbrahim bundan əvvəl, 2021-ci ildə də həbs edilib və karantin rejimini pozmaqda ittiham olunaraq 15 ay müddətinə azadlıqdan məhrum edilib. Həbsinə Prezident Administrasiyasının qarşısında təkbaşına piket keçirməsi səbəb olub.