
Fərid İsmayılov
Vəkil: “Fərid İsmayılovun həbsi əsassızdır”
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
“Fərid İsmayılov bildirdi ki, barəsində həbs qətimkan tədbiri seçilməsinin səbəbi istintaq dövründə jurnalist fəaliyyəti ilə məşğul olmasıdır. Məhkəmədə prokurorluq belə bir iddia irəli sürmüşdü ki, İsmayılov guya iyul-avqust aylarında Azərbaycanın hansısa rayonuna gedib və bu barədə istintaqa məlumat verməyib. Fərid onların dediyi rayonlarda olmayıb, başqa rayonlara gedib və bu barədə istintaq orqanına məlumat verib. İkincisi, Fəridin rayonda olmasının istintaq hərəkətinin keçirilməsinə mane olması barədə hər hansı məlumat verilməyib. O, istintaqdan qaçmayıb. Nə vaxt istintaqa dəvət ediblər gəlib”,- vəkil deyib.
“Fəridi saxlayarkən deyiblər ki, “dinc dayanmadın, sakit durmadın, xəbərdarlıq etdik, yenə sakit durmadın”, - vəkil deyib.
* 6-8 mart 2024-cü ildə “Toplum” TV nəşrinin və onun tərəfdaş təşkilatı Demokratik Təşəbbüslər İnstitutunun (Akif Qurbanov rəhbərlik edir) 9 əməkdaşı saxlanılıb. Yeddi nəfər qaçaqmalçılıq ittihamı ilə 4 ay müddətinə həbs edilib, iki nəfər polis nəzarətinə verilib.
Yanvarın 17-də onlara qarşı Cinayət Məcəlləsinin iqtisadi cinayətlərə dair 6 maddəsi üzrə ittiham irəli sürülüb. Polisin nəzarətində olan jurnalist Fərid İsmayılov da həbs edilib.
-
- Siyasət
- 22 Yanvar 2025 17:38
-
- Kənd təsərrüfatı
- 22 Yanvar 2025 19:26
Siyasət
-
Hüquq Müdafiə Təşkilatları Monitorinq Qrupunun üzvləri Novella Cəfəroğlu, Səidə Qocamanlı və Səadət Bənanyarlı Jurnalist Şahnaz Bəylərqızının səhhətində mövcüd olan problemlər ilə bağlı narahatlıq bildirərək ,Azərbaycan Respublikasının Prezidenti İlham Əliyevə müraciət edib.
-
Cümə günü, fevralın 7-də Aktauda 25 dekabr 2024-cü il tarixində Azerbaijan Airlines-ın (AZAL) təyyarə qəzasında həlak olanların xatirəsinə həsr olunmuş anım mərasimi keçirilib, xəbəri Tengrinews.kz yayıb.
-
Fevralın 7-də Bakı Apellyasiya Məhkəməsində ictimai fəal Cəlal Cavadovun inzibati qaydada həbsindən verilmiş şikayətə baxılıb.
-
Fevralın 7-də Bakı Məhkəmə Kompleksində Qarabağ separatmılarının liderlərinin işi üzrə proses dava etdirilib. İclasda ittiham aktının oxunması davam etdirilib.
Rəy yaz