Beynəlxalq qeyri-hökumət təşkilatları Avropa Şurası Parlament Assambleyasını Azərbaycan nümayəndə heyətinin səlahiyyətlərini bərpa etməməyə çağırıblar

On beynəlxalq hüquq-müdafiə təşkilatı Avropa Şurası Parlament Assambleyasının üzvlərinə müraciət edərək Azərbaycanın bu qurumda səlahiyyətlərinin dayandırılmasını təsdiqləməyə və onların bərpası üçün dəqiq meyarları müəyyən etməyə çağırıb.

"Biz, aşağıda imza edənlər bir daha Avropa Şurası Parlament Assambleyasını 2025-ci ilin yanvar sessiyasında Azərbaycanın səlahiyyətlərinin dayandırılmasını təsdiqləməyə və onların bərpası üçün aydın və ölçü meyarlarını hazırlamağa çağırırıq", - müraciətdə deyilir.

Müraciət müəllifləri hesab edirlər ki, Bakı "daim beynəlxalq mexanizmlərlə əməkdaşlığın olmamasını nümayiş etdirir və insan hüquqlarının sistemli şəkildə pozulmasını həll etmir".

Həmçinin qeyd olunur  ki, son ildə Azərbaycan Avropa Şurasının İşgəncələrin Qarşısının Alınması Komitəsi ilə əməkdaşlıqdan imtina edib.

2023-cü ilin noyabrından və COP29-dan sonra 2024-cü ilin noyabrında Azərbaycan hakimiyyəti uydurma ittihamlar üzrə siyasi motivli həbslərlə vətəndaş cəmiyyətini, jurnalistləri və fəalları təqib edərək özgə fikirlilərə qarşı repressiyaları artırıb.

Müraciətdə aşağıdakı fəallara qarşı cinayət işləri yada salınır: Afiyəddin Məmmədov, Bəxtiyar Hacıyev, Rail Abbasov, İlhamiz Quliyev, politoloq Azər Qasımlı, hüquq müdafiəçisi Rüfət Səfərov, Anar Məmmədli, gənc tədqiqatçılar İqbal Abilov və Bəhruz Səmədov, müxalifətçi siyasətçilər Qubad İbadoğlu, Tofiq Yaqublu və Akif Qurbanov, “Abzas Media”, “Toplum” TV, “Meydan” TV, “Kanal”13 və digər işlər üzrə həb edilən jurnalistlər.

Həmçinin jurnalistlərə və fəallara səfərə qadağalarının tətbiqi praktikasını qeyd olunub.

Müraciətin sonunda deyilir ki, Azərbaycan nümayəndə heyətinin Avropa Şurası Parlament Assambleyasına qayıtması üçün saxlanılan vətəndaş fəallarının, jurnalistlərin və hüquq müdafiəçilərinin dərhal və qeyd-şərtsiz azad edilməsi vacibdir.

Avropa məhkəməsinin siyasi motivli həbslər barədə qərarlarının tam yerinə yetirilməsinin zəruriliyindən də danışılır.

Azərbaycan Avropa Şurası Parlament Assambleyası və İşgəncələrin  Qarşısının Alınması Komitənin məruzəçiləri ilə əməkdaşlığı bərpa etməlidir, onların həbs yerlərinə çıxışını təmin etməlidir.

Bundan əlavə, Azərbaycan qeyri-hökumət təşkilatları haqqında məhdudlaşdırıcı qanunvericiliyi ləğv etməli və vətəndaş cəmiyyətinin müstəqil fəaliyyətinə şərait yaratmalıdır.

Petisiyanı imzalanıb: Azərbaycanda repressiyalara son qoyulması üzrə Kampaniya, Jurnalistləri Müdafiəsi Komitəsi, Freedom Now, İnsan Hüquqları Evləri Fondu, Human Rights Watch, İnsan Hüquqları Rəsədxanası çərçivəsində Beynəlxalq İnsan Hüquqları Federasiyası (FIDH), İnsan Hüquqları üzrə Beynəlxalq Tərəfdaşlıq, Niderland Helsinki Komitəsi, Norveç Helsinki Komitəsi, İnsan Hüquqları Rəsədxanası çərçivəsində İşgəncələrə Qarşı Ümumdünya Təşkilatı (OMCT).