Şəki/31.05.20/Turan: Ötən gecə Şəki küçələrində qonur ayı peyda olub. Turan-ın müxbirinin məlumatına görə, ayını öncə polis əməkdaşları təxminən saat 4-ə yaxın görüblər. Ayı şəhərin küçələrini dolaşaraq Gürcan çayının sahilində uzanıb mürgüyə gedib.
Polis həmin yeri əhatəyə alıb ki, ayı oyandıqdan sonra aqressiv hərəkətlər eləməsin.
Karantin rejimi ilə əlaqədar polis heyvana baxmağa gələn əhaliyə toplaşmağa icazə vermir.
Şəhərdə ayını yatırtmaq üçün yuxu həbi olmayıb. Bakıdan mütəxəssislər gəliblər. Onlar bundan sonra nə etmək lazım gəldiyini – ayını meşəyə göndərmək və ya müalicəyə götürmək barədə qərar qəbul edəcəklər.
Ayının başında yaralar nəzərə çarpıb, çox güman ki, güllə yarası olub.
Bəlkə də heyvan kor olub, ona görə şəhərə gəlib çıxıb. Ya da yaralı halda kömək üçün insanların yanına gəlib.
Adətən ilin bu vaxtında ayılar yaşayış məntəqələrinə yaxınlaşmırlar.
Qeyd edək ki, Azərbaycanda ayı ovu qadağandır.
https://www.facebook.com/HamamTimes/videos/2498369503792214/
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz