Şəmkirdə sakinlər yolu bağlayıblar
Bakı/03.09.19/Turan: Sentyabrın 3-də Şəmkir rayonunun Sabirkənd kəndinin sakinləri mərkəzi yolu bağlayaraq, aksiya keçirməyə cəhd ediblər.
Aksiya iştirakçılarının Turan-a verdiyi məlumata görə, aksiyanın səbəbi kənddə təbii qazın olmaması olub.
Aksiya zamanı 50-yə yaxın kənd sakini problemlə bağlı hər yerə müraciət etdiklərini, lakin nəticə olmadığını vurğulayıblar.
"Dəfələrlə müraciət etmişik, şikayətlərimizə baxmırlar. Biz də adam kimi yaşamaq istəyirik. Biz yolu ona görə kəsmişik ki, bizə qaz verilsin. Bəsdir, kələ-kötük yandırdıq. Ermənilər bir tərəfdən əziyyət verir, Azərbaycan bir tərəfdən. Biz bundan sonra Ermənistan prezidentinə müraciət edəcəyik", deyə aksiya iştirakçısı bildirib.
Bir müddət sonra aksiya iştirakçıları əraziyə cəld edilmiş polis qüvvələri tərəfindən uzaqlaşdırılıb. Bir neçə nəfər saxlanılıb. -0-
-
- Siyasət
- 3 Sentyabr 2019 18:06
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz