Açiq mənbələrdən foto.
Bakı/25.08.20/Turan: Sentyabrın 1-dən Azərbaycan ərazisində ov mövsümü açılır. 2020-2021-ci illər üzrə vəhşi heyvanların və quşların ovlanmasının müddətləri və normaları, ov icazələrinin bölgü cədvəlləri hazırlanıb, xəbəri Ekologiya Nazirliyi yayıb.
Sentyabrın 14-dən dekabrın 21-nə qədər qaban (üç ovçuya bir lisenziya);
noyabrın 16-dan 2021-ci il yanvarın 21-nə qədər dovşan (iki baş);
oktyabrın 5-dən 2021-ci il fevralın 15-nə qədər bataqlıq qunduzu (nutriya) (nutriya təsərrüfatı olan təşkilatlar);
sentyabrın 14-dən noyabrın 23-na qədər cüllüt (ağ quyruq çökük burun, qırqıl dayan cüllüt, kiçik kroşnep və çölhaça quyruq cüllütü istisna olmaqla) (6 ədəd);
oktyabrın 12-dən 2021-ci il fevralın 28-nə qədər qaz (ağ qaş və qırmızı döş qaz istisna olmaqla) (1 ədəd);
oktyabrın 12-dən 2021-ci il fevralın 28-nə qədər ördək (ağgöz qara ördək, göydimdik,qılquyruq ördək və mərmər cürə istisna olmaqla) (4 ədəd);
oktyabrın 12-dən 2021-ci il fevralın 28-nə qədər qaşqaldaq (6 ədəd);
sentyabrın 1-dən noyabrın 16-na qədər alabaxta (iki ədəd);
sentyabrın 1-dən noyabrın 16-na qədər bildirçin (4 ədəd);
sentyabrın 1-dən noyabrın 16-na qədər çöl göyərçini (4 ədəd) ovlamağa icazə verilir.
Qeyd edək ki, ölkədə birdəfəlik lisenziyalar tətbiq olunur.
Ekologiya Nazirliyinin məlumatında ovlanmağa icazə verilən rayonlar və təsərrüfatlar açıqlanmayıb.
50 il ərzində fəaliyyət göstərən əvvəlki ov təsərrüfatları dağılıb. İndi ov əsasən şəxsi biznesdir. -02D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz