Sentyabrın 26 və 27 səhər saatlarında Bakının mərkəzində nəqliyyatın hərəkəti məhdudlaşdırılacaq
Bakı/25.09.21/Turan: Sentyabrın 27 -də paytaxtda İkinci Qarabağ müharibəsində şəhid olanlara həsr olunmuş Anım Günü çərçivəsində tədbirlər keçiriləcək.
Bu tədbirlərin təhlükəsizliyinin təmin edilməsi üçün, 26 sentyabr saat 7: 30-dan 10: 00 -dək, həmçinin 27 sentyabrda 06: 30-dan 14: 00-dək Neftçilər prospekti, Kövkəb Səfərəliyeva, Yusif Səfərov, Üzeyir Hacıbəyli, Zərifə Əliyeva küçələri, Parlament prospekti, Mehdi Hüseyn, Teymur Elçin, İstiqlaliyyət küçələrində bütün növ nəqliyyat vasitələrinin hərəkəti məhdudlaşdırılacaq. Bunu Bakı şəhər Dövlət Yol Polis İdarəsi bildirib. Sürücülərə göstərilən vaxtda nəqliyyat vasitələrindən istifadə etməmələri tövsiyə olunur.
Sentyabrın 27-də, saat 12 -də ölkədə şəhidlərin xatirəsi bir dəqiqəlik sükutla elan olunacaq. Bundan əlavə, mərkəzi küçələr boyunca yürüş keçiriləcək. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz