Açiq mənbələrdən foto.
Bakı/01.07.22/Turan: Bu ilin iyun ayında Azərbaycan sərhədlərində dövlət sərhədini saxta pasport və Şengen vizaları ilə keçməyə cəhd edən 18 nəfər saxlanılıb. Bu barədə bu gün Azərbaycan Dövlət Sərhəd Xidməti bildirib.
Həmin dövrdə sərhəd rejimi qaydalarının pozulmasına görə 646 nəfər saxlanılıb, onların barəsində müvafiq tədbirlər görülüb.
Dövlət sərhədini pozanların arasında 18 nəfər Azərbaycan vətəndaşı, İran - 5, Hindistan - 2, Özbəkistan - 1, Mərakeş - 6, Pakistan - 2, Qazaxıstan- 1 və 3 nəfər Əfqanıstan vətəndaşı olub.
Azərbaycanın hüquq-mühafizə orqanları tərəfindən axtarışda olan 216 nəfər cinayətkarlığa qarşı mübarizə çərçivəsində müəyyən edilərək aidiyyatı orqanlara təhvil verilib.
478 nəfərin ölkədən çıxışına icazə verilməyib, ölkəyə girişi qadağan edilən 19 nəfər isə Azərbaycana daxil ola bilməyib, məlumatda deyilir.
İyun ayı ərzində sərhədçilər 79 kiloqram 394 qram narkotik vasitə, 9162 ədəd psixotrop həb götürüblər.
Qaçaqmalçılığa qarşı mübarizə tədbirləri çərçivəsində ümumilikdə 2,5 milyon manat məbləğində mallar, o cümlədən tütün məmulatları, qızıl-zinət əşyaları, kosmetika və spirtli içkilər götürülüb. 16D
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz