Açiq mənbələrdən foto.
Bakı/28.07.20/Turan: Son günlər sərhədçilər İran-Azərbaycan sərhəddində 24,6 kq.-dan çox müxtəlif narkotik maddə müsadirə ediblər. Bu barədə Azərbaycan Sərhəd Xidmətinin məlumatında deyilir.
İyulun 21-də Astara rayonunda iki sərhəd pozucusu – Azərbaycan vətəndaşları Təbriz Quliyev və Şahin Nabatzadə saxlanılıb.
Onların çantalarına baxış zamanı 2 kq. metamfetamin, 12,625 qr. heroin, 5 kq. tiryək və 1050 tablet pregabalin götürülüb.
İyulun 22-də Horadiz qəsəbəsi yaxınlığında sərhədçilər sərhəddə yaxın gizli saxlanc yerindən bağlama götürən şübhəli şəxsi saxlayıblar. Saxlanılan şəxs Ağcabədi rayon sakini Elvin Məmmədov olub. Ondan 5 kiloqramdan çox tiryək götürülüb.
Hər iki fakt üzrə cinayət işinə başlanılıb, saxlanılmış şəxslər həbs ediliblər. -03D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz