Sərhədçilər oktyabr ayı üçün hesabat veriblər

Bakı/01.11.23/Turan: Oktyabr ayında Azərbaycan sərhədçiləri 35 sərhəd pozucusunu saxlayıblar. Onların 14-ü Azərbaycan, 7-i Nepal, 6-ı İran, 3-ü Əlcəzair, 2-i Pakistan, 1-i İraq və 2-i Türkiyə vətəndaşıdır. Bu barədə Azərbaycan Dövlət Sərhəd Xidmətinin 2023-cü ilin oktyabrında sərhədlərin qorunması, qaçaqmalçılıq, qanunsuz miqrasiya və narkotik vasitələrin qanunsuz dövriyyəsinə qarşı mübarizə üzrə fəaliyyətinin nəticələri barədə məlumatda deyilir.

Qanunsuz miqrasiyaya qarşı mübarizə çərçivəsində 17 nəfər, sərhəd rejimini pozduğuna görə 892 nəfər saxlanılıb. Azərbaycanın hüquq-mühafizə orqanları tərəfindən axtarışa verilmiş 381 nəfər müəyyən edilib və müvafiq orqanlara təhvil verilib.

Azərbaycanı tərk etmək qadağan olunan 554 nəfərin ölkədən çıxışının qarşısı alınıb.

Narkotik maddələrin qanunsuz dövriyyəsinə qarşı mübarizə çərçivəsində 149 kiloqram 510 qram narkotik vasitə və 13 145 psixotrop həb götürülüb.

Həmçinin BERETTA markalı tapança, gecəgörmə cihazı, dərman preparatları, mobil telefon, qədim dövrə aid olduğu ehtimal edilən metal pullar, spirtli içki və tütün məmulatları götürülüb.06В