Bakı/19.12.17/Turan: 2016-cı il ilə müqayisədə bu il zəlzələlərin sayı azalıb, ayrılan seysmik enerjinin miqdarı isə artıb və bu il ərzində hesabat gününə qədər 8934 yeraltı təkan qeydə alınıb.
Respublika Seysmoloji Xidmət Mərkəzinin açıqlamasına görə, Mərkəzin baş direktoru Qurban Yetirmişli bunu AMEA Yer Elmləri bölməsi və Mərkəzin Elmi-Texniki Şurasının birgə iclasında Mərkəzin 2017-ci ildə apardığı elmi və elmi-istehsalat işlərinin nəticələrinə dair təqdim etdiyi illik hesabatda bildirib.
Bu zəlzələlərdən 3642-i yerli, 2087-i yaxın və 3205-i uzaq zəlzələdir. İl ərzində Azərbaycan ərazisində maqnitudası 3-dən böyük olan 78 zəlzələ qeydə alınıb və onlardan 26-ı hiss olunub. "2016-cı ilə nisbətən 2017-ci ildə zəlzələlərin sayı azalıb, ayrılan seysmik enerjinin miqdarı artıb. 2016-cı ildə Azərbaycan ərazisində zəlzələlərin sayı 4528, ən yüksək maqnituda 5.6 olduğu halda, 2017-ci ildə zəlzələlərin sayı 3642, ən yüksək maqnituda 5.7 olub.
Hesabata görə, Azərbaycan ərazisində baş vermiş zəlzələlərin dərinlikləri 2-40 km.-dir. Baş vermiş zəlzələlərin dərinliklərinin 40-62 km.-ə artması, Xəzər akvatoriyasına keçməsi ilə əlaqədardır.
Hesabatda deyilir ki, Azərbaycanda il ərzində ən güclü zəlzələ Ağdam rayonunda baş verib, noyabrın 15-də baş vermiş zəlzələ 5,7 bal gücündə olub.
Hesabatda vurğulanır ki, 2016-cı ildə də Kür ovalığının cənub hissəsinin seysmikliyi yüksək olub. Müəyyən olunub ki, zəlzələlər Kiçik Qafqaz və Kür ovalığının toqquşması və sıxılması nəticəsində baş verib.
Mərkəz rəhbəri bildirib ki, bu il Şamaxı-İsmayıllı seysmogen zonasında seysmik aktivlik 2016-cı ilə nisbətən xeyli azalıb, amma ocaqların şimal-qərb və cənub-şərq istiqamətində miqrasiyası müşahidə olunur. Şamaxı-İsmayıllı zonasının şimal hissəsi (Mıxtökən silsiləsi) aktivdir.-05D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz