Şiələr Aşuranı qeyd edirlər

Bakı/28.07.23/Turan: Bu gün şiə müsəlmanlar Məhərrəm ayının 10-cu gününü- Aşuranı qeyd edirlər. 680-ci ilin həmin günü Kərbala şəhəri yaxınlığındakı çöllərdə Yezidin qoşunları ilə qeyri-bərabər döyüşdə Məhəmməd Peyğəmbərin nəvəsi (imam Əlinin ikinci oğlu Hüseyn ibn Əli) öldürülüb.

Faciəyə səbəb Məhəmməd Peyğəmbərin ardıcılları arasında hakimiyyət uğrunda mübarizə olub. Eyni zamanda, bu, şiələr və sünnilər arasında islam dünyasına təsir uğrunda düşmənçilik yaradıb.

O vaxtdan şiələr Məhərrəm ayını matəm kimi qeyd edirlər ki, bunun kulminasiya nöqtəsi Aşuradır.

Bu gün ənənəvi olaraq ölkə məscidlərində yas mərasimləri təşkil olunur. Özünüdöymə ayininə alternativ olaraq, məscidlərdə qanvermə məntəqələri açılıb.

Əvvəllər ən kütləvi mərasimlər 7-ci imam Rzanın (Məhəmməd Peyğəmbərin birbaşa nəslindən) bacısı Rəhimə xanımın dəfn olunduğu Nardaran qəsəbəsindəki ziyarətgahda keçirilirdi. Lakin 2015-ci ildə polisin xüsusi əməliyyatından sonra Aşura günlərində Nardaran məscidinə giriş məhdudlaşdırılıb.

Bu gün digər məscidlərə, o cümlədən Bakının mərkəzindəki Məşədi Dadaş məscidinə  (mərhum din xadimi Hacı Şahinin burada çox çıxış edib) az gəldiyi nəzərə çarpır.

Ola bilsin ki, dindarların fəallığının azalması son aylarda İranla münasibətlərin gərginləşməsi fonunda şiə dindarların kütləvi həbsilə əlaqədardır.

Qeyd edək ki, məscidlərə ehsan gətirən bəzi dindarlar jurnalistlərdən onların fotosunu çəkməməyi xahiş ediblər. 06B