Bakı/17.01.18/Turan: Xarici ölkələrdən Azərbaycana işlənmiş avtomobil şinləri (təkər) gətirənlər yanvarın 17-də Kömrük Komitəsinin binası önünə toplaşıblar. Onlar ölkəyə şin gətirilməsilə bağlı rüsumların 3 dəfə artırılmasına etiraz edirlər. 70-ə yaxın adam bu gün Prezident Administrasiyasının qarşısında toplaşıb. Amma onlarla maraqlanan olmayıb, odur ki, yenidən Komitənin önündə toplaşıblar.
Adının çəkilməsini istəməyən şəxslərdən biri bildirib ki, Komitədə onlarla maraqlanan olmayıb. Amma Komitənin binasından çıxan bir şəxs özünü təqdim etməyib və etirazçılara deyib ki, saat 15:00-16:00 arası burada olsunlar, şin gətirənlərə açıqlama veriləcək.
Xatırladaq ki, ölkəyə işlənmiş avtomobil şinlərinin gətirilməsilə bağlı rüsum bu il yanvarın 1-dən 3 dəfə artıb. Belə ki, yanvarın 1-nə kimi ölkəyə gətirilən şinlərin bir konteynerinə görə 15 min manat rüsum alınırdı, yanvarın 1-dən isə bu rüsum 45 min manata qaldırılıb.--0--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz