Açiq mənbələrdən foto.
Bakı/10.03.21/Turan: Martın 12-də Bakıda və Abşeronda hava şəraitinin kəskin soyuyacağı, qar yağacağı və çovğun olacağı gözlənilir, Ekologiya və Təbii Sərvətlər Nazirliyinin sinoptikləri xəbərdarlıq edirlər.
Belə ki, cümə günü səhərdən şənbə günü səhərədək saniyədə 15-20 metr sürətlə şimal-qərb küləyi əsəcək, arabir saniyədə 23-28 metrə çatacaq.
Martın 11-də yağış yağacaq, Martın 12-də günorta saatlarında qar yağacaq. Cümə günü günorta çovğun gözlənilir. Havanın temperaturu 3-5 dərəcə enəcək, martın 13-nə keçən gecə 0 dərəcəyə qədər enəcək.
Martın 11-dən başlayaraq ölkənin şimal və qərb rayonlarında hava soyumağa başlayacaq.
Ölkə ərazisində yağıntı (qar və yağış) və güclü küləklə müşayiət olunan qeyri-sabit hava şəraiti martın 13-ü səhərə qədər davam edəcək. Ölkə rayonlarında küləyin sürəti saniyədə 30-33 metrə çatacaq.-02D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz