![Açiq mənbələrdən foto.](https://turan.az/resized/750/500/resize/media/2022/main/042000043699.webp)
Açiq mənbələrdən foto.
Sinoptiklər və Fövqəladə Hallar Nazirliyi əlverişsiz hava şəraitilə bağlı xəbərdarlıq edirlər
Bakı/20.04.22/Turan: Aprelin 21-də Bakıda və Abşeronda hava tutqun, əsasən yağıntısız olacaq. Gecə bəzi yerlərdə yağış yağacağı gözlənilir. Güclü şimal-qərb küləyi axşama doğru zəifləyəcək. Havanın temperaturu gecə müsbət 10+13, gündüz müsbət 15+18 dərəcə olacaq, Milli Hidrometeorologiya Departamentinin məlumatında bildirilir.
Ölkə rayonlarında bəzi yerlərdə yağış yağacağı, şimşək çaxacağı gözlənilir. Şimal və qərb rayonlarında yağıntı intensiv olacaq, yüksək dağlıq ərazilərdə qar yağacağı gözlənilir.
Havanın temperaturu aranlıqda gecə müsbət 9+14, gündüz müsbət 17+22 dərəcə olacaq. Dağlarda gecə müsbət 1 + 6, gündüz müsbət 6 + 11 dərəcə olacaq.
Öz növbəsində Fövqəladə Hallar Nazirliyi hava şəraitinin pisləşməsilə bağlı əhaliyə xəbərdarlıq edib. Belə ki, nazirlik bildirir ki, aprelin 20-də axşamdan külək və yağıntı güclənəcək.
Növbəti sutkalarda əhali ehtiyat tədbirlərinə əməl etməli, müvəqqəti tikililərin, reklam lövhələrinin, hündür ağacların, elektrik xətlərinin altında durmamalıdır.
Həmçinin güclü külək şəraitində alovun sürətlə yayılmasını nəzərə alaraq yanğından mühafizə tədbirlərinə əməl etmək tövsiyə olunur. Şimşək zamanı elektrik cihazlarını şəbəkədən ayırmaq, telefonla danışmamaq (stasionar, mobil və digər rabitə vasitələri), antenalara yaxınlaşmamaq tövsiyə olunur.-05D06-
-
- Maliyyə
- 20 Aprel 2022 14:13
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz