Açiq mənbələrdən foto.
Bakı/22.04.23/Turan: "Gəncə işi" üzrə həbs edilmiş Ceyhun Salahovun ailə üzvləri son bir həftə ərzində ondan telefon zəngi və xəbər almadıqlarına görə onun taleyinə görə narahatdırlar.
"Ceyhun hər bazar və çərşənbə günləri zəng edirdi. O, sonuncu dəfə keçən bazar günü zəng edib və o vaxtdan etibarən ondan heç bir xəbər yoxdur", deyə Salahovun həyat yoldaşı Kəmalə Məmmədova Turan-a bildirib.
O qeyd edib ki, Salahov çərşənbə günü zəng etmədikdən sonra üç gündür saxlanıldığı 7 saylı cəzaçəkmə müəssisəsində, Penitensiar Xidmətdə və Ombudsman Aparatında həyat yoldaşının taleyinə aydınlıq gətirməyə çalışır.
Məmmədova hesab edir ki, həyat yoldaşı ya karserə salınıb, ya da səhhətində problemlər yaranıb.
O, həmçinin qeyd edib ki, həyat yoldaşı qanuna tabe olan bir insan olaraq penitensiar müəssisənin qaydalarına riayət edir.
Penitensiar Xidmətdən şərh almaq mümkün olmayıb.
Salahov 2018-ci ildə Gəncənin o vaxtkı icra başçısı Elmar Vəliyevə qarşı sui-qəsd işi üzrə 19 il azadlıqdan məhrumetmə cəzasına məhkum edilib.
Vəliyevi yaralamaqda ittiham olunan Yunis Səfərov həbs cəzası alıb. Səfərov cinayəti təkbaşına törətdiyini və digər müttəhimlərin bu işlə heç bir əlaqəsi olmadığını etiraf etsə də, daha 9 nəfər 18-20 il müddətinə azadlıqdan məhrumetmə cəzalarına məhkum edilib.
Hüquq müdafiəçiləri Səfərovdan başqa, "Gəncə işi"nin bütün fiqurantlarını siyasi məhbus kimi tanıyıblar. 06В
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz