Bakı/25.05.22/Turan: Xalq Cəbhəsi Partiyasının (AXCP) üzvü Aqil Məhərrəmli (Məhərrəmov) 4 illik həbs cəzası başa çatdıqdan sonra bu gün cəzaçəkmə müəssisəsindən azadlığa çıxıb.
Cəzaçəkmə müəssisəsinin qarşısında çox sayda AXCP üzvü və jurnalistlə görüşə imkan verməmək üçün fəal səhər tezdən buraxılıb.
Məhərrəmli bildirib ki, o, azadlığa çıxdıqdan sonra siyasi fəaliyyətini davam etdirəcək.
Xatırladaq ki, Məhərrəmli 2018-ci ilin mayında "AXCP-nin qanunsuz maliyyələşdirilməsi" haqqında qondarma iş üzrə həbs edilib. O, 4 il həbs cəzasına məhkum edilib. Vaxtından əvvəl şərti azadlığa buraxılmaq hüququ olmasına baxmayaraq, məhkəmələr dəfələrlə onun bu barədə müraciətini təmin etməyib.
Məhərrəmli siyasi məhbus kimi tanınıb. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz