Bakı/04.11.19/Turan: Nardaran hadisələrilə bağlı mühakimə olunmuş Eldar Bünyadovun səhhətində problemlərin olmasına baxmayaraq, onu Penitensiar Xidmətin müalicə müəssisənə köçürmürlər. Bu barədə məhkumun yaxınları bildiriblər.
68 yaşlı E.Bünyadov 2015-ci il noyabrın 26-da Nardaranda keçirilmiş xüsusi əməliyyatdan beş gün sonra saxlanılıb. Məhkəmədə bildirib ki, saxlandıqdan sonra işgəncələrə məruz qalıb və qabırğası qırılıb.
Sonradan o, CM-in bəzi maddələri ilə 12,5 il azadlıqdan məhrum edilib.
Hüquq müdafiəçiləri onu və “Nardaran işi” üzrə keçən digər şəxsləri siyasi məhbus kimi tanıyıblar.
Həbsxanada onun böyrək xəstəliyi inkişaf edib. Şəkərli diabetin kəskinləşməsi səbəbindən görmə qabiliyətini itirməyə yaxındır. Bundan əlavə, E.Bünyadovda ürək xəstəliyi var. O, çətinliklə hərəkət edir, onun doğmaları bildiriblər.
Penitensiar Xidmətin müalicə müəssisəsinin həkimləri bir həftə öncə 7 saylı koloniyada E.Bünyadovu müayinə ediblər və onun təcili xəstəxanaya yerləşdirilməsini tövsiyə ediblər. Lakin həkimlərin göstərişinə əməl olunmayıb.
Məhkumun ailəsinə heç bir açıqlama verilmir. Ailə Penitensiar Xidmətin rəhbərliyinə şikayət göndərib və Beynəlxalq Qızıl Xaç Komitəsinin Bakı nümayəndəliyinə müraciət etmək niyyətindədir.
Penitensiar Xidmətdən şərh almaq mümkün olmayıb.06D—
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz