![Arxiv](https://turan.az/resized/media/2019/main/051700019067-750-500-resize.webp)
Arxiv
Siyasi mühacirlər Azərbaycanda onların qohumlarına təzyiqlərin olduğunu bildirirlər
Bakı/17.05.19/Turan: Son günlər Azərbaycanda Avropada yaşayan siyasi mühacirlərin qohumlarına qarşı təzyiqlər artıb. Bu barədə DAS (Demokratik Azərbaycanı Seç) təşkilatının yaydığı məlumatda bildirilir.
Mənbə qeyd edir ki, siyasi mühacirlərin qohumlarını hədələyirlər, polisə aparırlar, təhqir edirlər, işdən çıxarırlar, yaxınlarından və ailə üzvlərindən imtinaya məcbur edirlər.
"Bu günlərdə video-bloger Qabil Məmmədovun bütünlüklə ailə üzvləri Tovuz rayon polis şöbəsinə aparılıb. Onların arasında 85 yaşlı ata Əmrah Məmmədov, 83 yaşlı ana Dünya Cəfərova, qardaşlar Tahir Məmmədov (Qarabağ qazisi) və onun oğlu, hərbçi Məhəmməd Məmmədov və digər qohumları var, cəmi 12 nəfər.
Onların arasında olan üç hərbçi birbaşa hərbi hissədən şöbəyə aparılıb", - bəyanatda deyilir.
Gecəyə yaxın valideynləri buraxıblar, qalanlarına (üç qardaşın həyat yoldaşları daxil olmaqla) deyiblər ki, növbəti gün polisə gəlsinlər. Q.Məmmədovun sözlərinə görə, bütün ailə üzvlərinə ondan məcburi imtina sənədi yazdırıblar.
Təşkilatın bəyanatında qeyd olunur ki, digər siyasi mühacir Mübariz Kərimovun bacısı oğlu işdən çıxarılmaqla təhdid olunur. Təşkilat üzvü Səbuhi İsmaylovun anası da işdən çıxarılmaqla təhdid edilib.
Siyasi mühacir Əli Məmmədovun da vəziyyəti eynidir. Onun qohumları Yevlax polisinə çağırılıb.
Məcid Mehdilinin isə atasına Sabunçu rayonu 13-cü polis bölməsindən telefon edərək deyiblər ki, mayın 10-da Berlində keçirilən mitinqdə Məcidin iştirakına görə ona sonuncu xəbərdarlıq edilir.
"Azadlıq" radiosu bildirib ki, DAS-ın 47 üzvünün qohumlarına təzyiq göstərilib.-0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz