Bakı/05.08.19/Turan: Hava şəraiti ilə əlaqədar dəniz mədənlərində çalışan 700 neftçi dənizdən sahilə evakuasiya edilib. Həmin mədənlərdə əsas işlər dayandırılıb. Bu barədə Turan-a SOCAR Dövlət Neft Şirkətinin mətbuat xidmətindən bildiriblər.
Öz növbəsində Xəzər Dəniz Gəmiçiliyindən deyiblər ki, qasırgalı hava ilə əlaqədar gəmilərə xəbərdarlıq göndərilib. Yolda olan bütün gəmilərə sığınacağa getmək və qasırğanın durmasını gözləmək tapşırılıb. Digər gəmilərin dənizə çıxışı dayandırılıb.
Qeyd edək ki, avqustun 5-də Xəzərdə güclü qasırğa başlayıb və ayın 8-dək davam edəcək. Abşeronda və Xəzər akvatoriyasında küləyin gücü saniyədə 30-35 metrə çatacaq, dalğanın hündürlüyü bir neçə metr olacaq.-03/02B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz