Bakı/03.04.18/Turan: Bakının Nəsimi rayonunda, Süleyman Rüstəm küçəsi, 5 ünvanında yaşayan vətəndaş Səbinə Cəfərova 1 saylı İqtisd Məhkəməsinə Grand Plaza tikinti şirkətinə qarşı iddia verib. Cəfərova bu şirkətin onun yaşadığı beşmərtəbəli yaşayış evinin sökülməsinə son qoymasını tələb edir.
Grand Plaza MMC Nəsimi rayon İH-dən Bakının mənzil fondunun renovasiyası üzrə "pilot layihə" çərçivəsində köhnə binanın yerində yeni çoxmərtəbəli yaşayış binası tikmək hüququ əldə edib. Şirkətin şərtləri ilə razılaşan sakinlərin mənzilləri tez bir zamanda sökülür, həm də təkcə dam və kommunal kommunikasiyalar deyil, dayaq divarları da sökülür, sökülən mənzillərin altında yaşayan insanların təhlükəsizliyi təhdid altına qoyulur.
"Ailə bütün qonşularımız şirkətlə müqavilə bağlayıb köçənə qədər binanın sökülməsinin dayandırılmasını tələb edir. Aprelin 5-də hakim qərarı oxuyacaq. Məhkəmə bizim hüquqlarımızı müdafiə etməsə S.Cəfərovadan dərhal sonra digər qonşu, daha sonra üçüncü və s., binamızda 15-ə yaxın vətəndaş iddia verəcək", deyə Səbinənin qardaşı Samir Cəfərov Turan-a bildirib.
"Bizim məqsədimiz binada bir ailə belə qaldığı müddətcə binanın sökülməsinin dayandırılmasıdır. Biz həyatımızı xilas etmək istəyirik. Şirkətin şərtlərini qəbul etməyə razıyıq, amma nə qədər ki, insanlar köçməyiblər, binanın sökülməsi dayandırılmalıdır", deyə S.Cəfərov bildirib.
İddiaçının vəkili Mətləb Qasımovdur.
Turan İA bu binanın sakinləri və Grand Plaza MMC arasında münaqişə haqqında "51 saylı fərman "pilot layihə qurbanlarının" xilası ola bilər" sərlövhəli məqaləsində (22 fevral 2018-ci il) http://www.turan.az/ext/news/2018/2/free/Social/ru/69336.htm məlumat vermişdi.
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz