Bakı/18.04.19/Turan: Aprelin 18-də "Yeni Suraxanı" qəsəbəsinin bir qrup sakini su boruları çəkilməməsinə görə aeroport yolunu bağlayıblar, polisin müdaxiləsindən sonra yol açılıb. Bunu sakinlər bildiriblər.
Sakinlərin sözlərinə görə, yeganə tələbləri həyətlərinə su xəttinin çəkilməsidir.
Məsələ ilə bağlı açıqlama verən "Azərsu" ASC-nin mətbuat xidmətinin rəhbəri Anar Cəbrayıllı deyib ki, həmin sakinlərin problemlərindən xəbərləri var.
Mətbuat xidmətinin rəhbəri bildirib ki, bu, Suraxanı rayonundakı Samir Əliyev küçəsinin bir hissəsini əhatə edir (aeroporta gedərkən sağ tərəfdə qalan həyət evləri - red.).
Onun sözlərinə görə, əvvəllər bu ərazidə ümumiyyətlə su boruları yox idi. ASC ötən illərdə həmin küçənin bir hissəsində şəbəkə qura bilib və buradakı sakinlərə su verilir.
"Amma bu ərazidə son vaxtlar çoxsaylı evlər tikilib. Küçənin bir hissəsində içməli su verilməsi üçün şəbəkə qurulmayıb, ona görə də mərkəzləşdirilmiş qaydada içməli su verilmir. Camaatın tələbi odur ki, orada şəbəkə qurulsun, evlərinə su xətti çəkilsin, sayğac quraşdırılsın, evlərində su olsun".
A.Cəbayırlovun sözlərinə görə, bu məsələ ASC-nin planında var və icra ediləcək.
Mətbuat xidmətinin rəhbəri deyib ki, bu məsələ mərhələ ilə həllini tapır və çox az hissə qalır, o da həll ediləcək.
Xatırladaq ki, 2000-ci illərdən sonra Bakıətrafı yaşayış məntqələrində çoxsaylı evlər tikilib. Bu evlərin əksəriyyəti rəsmi dövlət qeydiyyatına düşməyib, küçə qeydiyyatı, sıra sayı almayıb. Bəzi ekspertlər belə evlərin Bakıətrafı qəsəbələrdə 500 mindən yuxarı olduğunu bildirirlər. 2013-cü ildə dövlət başçısı bu evlərin qeydiyyat problemlərinin həllilə bağlı sərəncam imzalasa da, reallıqda məsələ həllini tapmayıb. Bu evlərdə qaz, su, işıq problemləri həmin qeydiyyatsızlıqdan əmələ gəlir. -0-
Cəmiyyət
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
Rəy yaz