Açiq mənbələrdən foto.
Bakı/20.02.21/Turan: Fevralın 19-da Sumqayıt Apellyasiya Məhkəməsi (hakim Vidadi Cəfərovun sədrliyi ilə) hüquq müdafiəçisi Elçin Məmmədin məhkum edilməsi barədə yerli məhkəmənin hökmündən verdiyi şikayəti təmin etməyib. Bu barədə Sumqayıt Gənclərinin Hüquqi Maarifləndirilməsi təşkilatı məlumat yayıb.
Apellyasiya Məhkəməsi cinayət işi ilə əlaqədar bütün halların hərtərəfli, tam və obyektiv tədqiq edilməsi barədə vəsatətləri təmin etməyib.
2020-ci il oktyabrın 17-də Sumqayıt Şəhər Məhkəməsi Sumqayıt Gənclərinin Hüquqi Maarifləndirilməsi qeyri- hökumət təşkilatının rəhbəri Elçin Məmmədi 4 il müddətinə həbs edib.
Məhkəmə hüquq müdafiəçisini “oğurluq” və “qanunsuz silah saxlamaqda” təqsirli bilib.
Hüquq müdafiəçisi 2020-ci ilin martında həbs edilib. Onun barəsində hüquqi yardım göstərdiyi qadın şikayət edib. Həmin qadın əvvəllər digər jurnalist, criminal.az saytının redaktoru Anar Məmmədovdan da polisə şikayət edib.
Elçin Məmməd həbsini hüquq-müdafiə fəaliyyətilə əlaqələndirir. O hesab edir ki, uydurma ittihamla təqib olunması prezident İlham Əliyevin korrupsiyaya qarşı mübarizə və məhkəmə-hüquq islahatlarının aparılması ilə bağlı siyasətinə ziddir.
Amnesty İnternational, PEN, FİACAT təşkilatları və digər beynəlxalq qurumlar Elçin Məmmədin təqib edilməsini pisləyən bəyanatlarla çıxış ediblər.-03-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz