Sumqayıt iğtişaşlarını SSRİ DTK planlaşdırmışdı
Bakı/22.02.18/Turan: Sumqayıtda erməni xüsusi xidməti və SSRİ Dövlət Təhlükəsizlik Komitəsi (DTK) tərəfindən təşkil edilən iğtişaşlar Azərbaycana qarşı təxribat idi. Bu barədə Azərbaycan Xarici İşlər Nazirliyi və Baş Prokurorluğun 1988-ci il Sumqayıt ixtişaşlarının 30 illiyi ilə əlaqədar birgə bəyanatında deyilir.
Sənəddə qeyd olunur ki, Dağlıq Qarabağda ermənilər tərəfindən iki gəncin öldürülməsilə bağlı etiraz aksiyası planlaşdırılmış təxribat nəticəsində kütləvi iğtişaşlara çevrildi.
SSRİ Konstitusiyası əsasında Dağlıq Qarabağın Azərbaycandan ayrılmasının qeyri-qanuniliyi dərk edən erməni ideoloqları və SSRİ rəhbərliyində onları açıq dəstəkləyən şəxslər ermənilərin və azərbaycanlıların birgə yaşamasının qeyri-mümkünlüyünü əsaslandırmaq, azərbaycanlıların artıq tam şəkildə Ermənistan ərazisindən qovulmasını təmin etmək və Azərbaycanı nüfuzdan salmaq üçün bu təxribata əl atmışdılar.
Həmin təxribatın törədilməsində SSRİ DTK-nın məqsədi sovet əyalətlərində vəziyyəti gərginləşdirərək güclənən mərkəzdənqaçma meyllərini dayandırmaq, sərt repressiya metodlara əl atmağa bəraət qazandırmaq və güclü mərkəzi Sovet hakimiyyəti olmadan sovet respublikalarının müstəqil yaşaya bilməyəcəklərini nümayiş etdirmək olmuşdu.
Sumqayıt hadisələrinə bənzər iğtişaş və təxribatlar DTK tərəfindən Oş (Qırğızıstan), Fərqanə (Özbəkistan), Tbilisi (Gürcüstan), Vilnüs (Litva) və digər ərazilərdə də təşkil olunmuşdu.
Hadisələr ərəfəsində və hadisələr baş verən gün Sumqayıt şəhərində və ətrafında SSRİ Daxili İşlər Nazirliyinin Daxili Qoşunları və ordu birləşmələrinin kifayət qədər canlı qüvvəsi və texnikası olsa da onlar tərəfindən vəziyyətin nəzarət altına alınması üçün vaxtında qabaqlayıcı tədbirlər görülməyib.
Evlərə basqın və digər zorakılıq hərəkətləri əvvəlcədən hazırlanmış siyahı və xüsusi plan əsasında əslən erməni olan Sumqayıt şəhər sakini, dəfələrlə məhkum olunmuş Eduard Qriqoryanın bilavasitə rəhbərliyi və göstərişləri üzrə həyata keçirilmişdi, hücumlara məruz qalan ermənilər isə Dağlıq Qarabağın Azərbaycandan ayrılması məqsədini güdən gizli "Krunk" və "Karabakh" komitələrinə ianə verməkdən imtina edən şəxslər olmuşdu.
Məhkəmənin hökmü ilə azadlıqdan məhrum edilən E.Qriqoryan SSRİ dağılandan sonra Ermənistanın həbsxanasına köçürülüb və oradan da dərhal müəmmalı şəkildə azadlığa buraxılıb. Hazırda üçüncü ölkədə yaşayır.
Cinayət işinin materialları bir daha göstərir ki, Sumqayıtın azərbaycanlı sakinlərinin humanizmi və şücaəti olmasaydı hadisələr planlaşdırılmış təxribat planına uyğun olaraq daha geniş miqyas alardı. Milliyyətcə erməni olan şahidlərin ifadələrindən göründüyü kimi, onlarla erməni hadisələr vaxtı azərbaycanlı ailələr tərəfindən öz evlərində yerləşdirilməklə xilas edilmişdi.
Hazırda qeyd olunan iğtişaşların bütün sifarişçisi və iştirakçılarının aşkarlanaraq cinayət məsuliyyətinə cəlb olunması, eləcə də onların və havadarlarının ifşa olunması istiqamətində kompleks istintaq-əməliyyat tədbirləri davam etdirilir.
* 27-29 fevral 1988-ci il iğtişaşları zamanı Sumqayıtda 32 nəfər öldürülüb. Onlardan 26-ı erməni olub. SSRİ rəhbərliyi etiraf edib ki, iğtişasların qarşısını vaxtında ala bilməyib. Sonradan onlarla adam müxtəlif cinayətlərə görə mühakimə edulib. Üç nəfərə ən ağır cəza verilib.-06D--
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
ABŞ səfirinin dediklərindən hansı nəticələr çıxarmalı? – Seymur Həzi Çətin sualda
Xəbər lenti
-
- Siyasət,
- 13:04
- 245
Rəy yaz