Açiq mənbələrdən foto.
Bakı/10.06.21/Turan: Sumqayıt şəhərində polis narkotik vasitələrin qanunsuz ticarətinə görə ana və qızı - Qəmər və Sədat Cəfərovaları saxlayıb.
Daxili İşlər Nazirliyi mətbuat xidmətinin məlumatına görə, onların mənzilində 2 kiloqram 400 qram narkotik maddə və 149 psixotrop həb götürülüb.
Əvvəllər bu şəxslər dəfələrlə narkotik maddə ticarətinə görə məsuliyyətə cəlb olunublar.
Cəfərovaların evinə baxış zamanı ana 1 kiloqram 700 qram müxtəlif narkotik maddəni qızına verib ki, evdən çıxarsın. Ancaq qız qapının girişində saxlanılıb. Ondan 800 qramdan çox heroin, 700 qramdan çox metamfetamin, həmçinin marixuana, tiryək və 140 həbdən çox metadon götürüblər.
Hımçinin digər narkodiler Orxan Sultanov saxlanılıb. O, Cəfərovadan aldığı narkotik maddələri Sumqayıtın müxtəlif yerlərində satıb. -0-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz