Açiq mənbələrdən foto.
Sumqayıtda zavodda baş vermiş yanğın nəticəsində 7 nəfər xəsarət alıb
Bakı/07.08.20/Turan: Sumqayıtda SOCAR şirkətinin “Azərkimya” İB-nın Etilen-Polietilen zavodunda bu gün baş vermis yanğın nəticəsində 7 nəfər xəsarət alıb.
FHN-in məlumatına görə, həyata keçirilən təxirəsalınmaz tədbirlər nəticəsində yanğın məhdudlaşdırılıb. Hazırda yanğınsöndürmə işləri davam etdirilir.
Öz növbəsində, SOCAR-dan bildiriblər ki, hadisə istehsalat prosesi zamanı baş verməyib. “Hazırda burada planlaşdırılmış illik texniki baxış işləri ilə əlaqədar istehsalat dayandırılıb. Zavodun modernizasiya və yenidənqurma işlərinin isə son mərhələsi həyata keçirilir. Modernizasiya və yenidənqurma işlərini həyata keçirən podratçı şirkətlərin işləri zamanı qısa alışma baş verib və tez bir zamanda söndürülüb”, deyə SOCAR-dan bildiriblər.
Öz növbəsində, TƏBİB-dən (Tibbi Ərazi Bölmələrini İdarətmə Birliyi) bildiriblər ki, xəsarət almış 7 nəfərdən birinə hadisə yerində ambulator yardım göstərilib.
Xəsarət alan digər 6 nəfər Bakı Yanıq Mərkəzinə göndərilib, onlardan birinin vəziyyəti ağırdır. -0-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz