Açiq mənbələrdən foto.
Bakı/25.11.21/Turan: Noyabrın 24-də 12 nəfər Azərbaycan vətəndaşı Suriyanın Cerablus şəhərindəki düşərgədən repatriasiya edilib. Bu barədə Azərbaycan Xarici İşlər Nazirliyinin məlumatında deyilir.
Onlar Türkiyə ərazisinə gətiriliblər, orada Azərbaycan səfirliyi onlara Azərbaycana qayıtmaq üçün sənədlər verib.
Azərbaycan hökuməti həmin şəxslərin reabilitasiyası və reinteqrasiyası üçün lazımi tədbirləri görəcək, məlumatda bildirilir.
Məlumatda repatriantların yaşı və cinsi barədə bilgi verilmir. Həmçinin onların Suriyaya necə və nə zaman getdiyi açıqlanmır. Bundan öncə rəsmi orqanlar Suriya və İraqda müxtəlif hərbi birləşmələrin tərkibində döyüşmüş şəxslərin həyat yoldaşlarının və uşaqlarının Suriyada düşərgələrdə saxlandığını bildirmişdilər. 02D
Cəmiyyət
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
-
“Azercell” istifadəçilərə daha rahat xidmət təcrübəsi təqdim etmək məqsədilə öz mobil tətbiqinə "Qonaq girişi" funksiyasını əlavə edib. Bu yenilik bütün istifadəçilərə Azercell-in müxtəlif xidmət və məhsullarını daha əlçatan edir.
Rəy yaz