Açiq mənbələrdən foto.
Bakı/03.01.22/Turan: 2022-ci ildə Bakı İnsan Hüquqları Klubunun layihəsi çərçivəsində yaradılmış Şuşa İnsan Hüquqları Təşəbbüsü gənclər üçün davamlı hüquqi maarifləndirmə və sülhyaratma üzrə qeyri-siyasi platforma olacaq.
Bu barədə Bakı İnsan Hüquqları Klubundan Turan-a daxil olan məlumatda deyilir.
Layihə çərçivəsində “İtkin düşmüş şəxslər:hüquqi və praktiki problemlər” adlı beynəlxalq konfrans keçirilib. Tədbirdə bu humanitar problemə diqqətin cəlb edilməsi məqsədilə beynəlxalq ictimaiyyətə müraciət ünvanlanıb.
Bundan əlavə, Şuşa və Bakıda müsabiqə əsasında seçilmiş 12 gənc iştirakçıya insan hüquqları və sülhyaratma mövzularında təlimlər keçirilib.
Bakı İnsan Hüquqları Klubu təşəbbüsün davamlı olması üçün 2023-cü ildə öz tədbirlərini davam etdirəcək. Əsas məqsəd layihəyə təkcə Azərbaycandan deyil, həm də xarici ölkələrdən gənclərin cəlb edilməsi, insan hüquqları və sülh mövzularının təşviq edilməsi, regionda sülhün bərqərar olmasına töhfənin verilməsidir.
Layihə Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilib.—06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz