Bakı/29.07.19/Turan: Bu gün saat 12:30-da Zirə qəsəbəsində taksi və qatarın toqquşması nəticəsində dörd nəfər xəsarət alıb. Səhiyyə Nazirliyinin mətbuat xidmətinin rəhbəri Pərviz Abubəkirov Turan-a bildirib ki, iki nəfərin vəziyyəti ağırdır.
"22 yaşlı qızın və 20 yaşlı oğlanın vəziyyəti çox ağırdır. İkisi də kəllə-beyin travması diaqnozu ilə 3 saylı xəstəxanaya yerləşdirilib. Digər iki nəfərə ilkin tibbi yardım göstərilib. Onlardan biri xəstəxanadan imtina edib", - P. Abubəkirov bildirib.
Polis və Dəmir Yolları İdarəsi nümayəndələri insidentin səbəblərini hələlik şərh etmirlər. Xatırladaq ki, bu, ilk hadisə deyil. 2018-ci ildə Binə qəsəbəsində sərnişin avtobusu ilə yük qatarının toqquşması nəticəsində iki nəfər həlak olub, ondan çox adam yaralanmışdı.-06D-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz