Bakı/29.07.19/Turan: Fransanın "Alstom" şirkəti "Azərbaycan Dəmir Yolları" QSC-nin lokomotiv parkına texniki yardım göstərəcək. Bu barədə sazişi bazar ertəsi ADD rəhbəri Cavid Qurbanov və "Alstom" şirkətinin Azərbaycan, Gürcüstan, Özbəkistan və Türkmənistan üzrə icraçı direktoru Elşən Zeynalov imzalayıblar.
İmzalanma Azərbaycanın maliyyə naziri Samir Şərifov ilə Fransanın iqtisadiyyat və maliyyə naziri Bruno Le Merin görüşünün yekunu olaraq baş tutub.
Saziş "Alstom" şirkətindən alınmış lokomotivlərə texniki xidməti nəzərdə tutur. ADD 2014-cü il tarixli müqavilə çərçivəsində "Alstom"dan 50 lokomotiv almalıdır.
İmzalanmadan sonra keçirilən brifinqdə fransalı nazir deyib ki, onun ölkəsi Azərbaycanla bərpa olunan enerji mənbələri və müdafiə sənayesi sahələrində əməkdaşlıqda maraqlıdır.
Bundan əlavə, Bruno Le Mer qeyd edib ki, Fransa köhnə neft-qaz yataqlarının reabilitasiyasında iştirak imkanlarını nəzərdən keçirir.
S.Şərifov bildirib ki, gələn il Fransa şirkətləri Ələt azad iqtisadi zonasında fəaliyyətə başlayacaqlar. -71C-
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz