Tale Bağırzadə 15 gündür aclıq aksiyasını davam etdirir
Bakı/11.12.22/Turan: Müsəlman Birliyi Hərəkatının (MBH) lideri Tale Bağırzadə 12 saylı cəzaçəkmə müəssisəsində 15-ci gündür ki aclıq aksiyası keçirir.
MBH-dən Turan-a verilən məlumata görə, dekabrın 11-də Bağırzadə evə zəng edərək aclıq aksiyasının davam etdirməsi barədə məlumat verib.
“Bağırzadə öz şəxsi maraqlarına görə aclıq etmir, o, əmindir ki, istənilən halda, onu bir bəhanə ilə Qobustan həbsxanasına göndərəcəklər. Onun aksiyasında məqsəd Azərbaycan həbsxanalarında baş verən özbaşınalıqlara, məhbuslarla kobud, pis, qeyri-insani rəftara diqqət çəkməkdir”, - MBH-dən bildiriblər.
MBH-dən Bağırzadənin səhhətinin pisləşməsini də qeyd ediblər.
Onun qızdırması qalxır, titrəmələr, başgicəllənmələr, baş ağrısı, ürəkbulanmalar olur.
Penitensiar Xidmətdən məsələ ilə bağlı şərh almaq mümkün olmayıb.
* Bağırzadə noyabrın 26-da Qobustan həbsxanasından 12 saylı cəzaçəkmə müəssisəsinə köçürüldükdən sonra aclıq aksiyasına başlayıb. O müəssisənin rəis müavini tərəfindən təhqir olunduğunu deyib.
** Bağırzadə 2015-ci ildə Nardaranda keçirilən xüsusi əməliyyat zamanı həbs edilib və terrorçuluq, konstitusiya quruluşunu dəyişdirməyə cəhd, qanunsuz silahlı birləşmə yaratmaq və s. ittihamlarla 20 il müddətinə azadlıqdan məhrum edilib. O, siyasi məhbus kimi tanınıb.-03B06-
-
- Siyasət
- 10 Dekabr 2022 14:54
Cəmiyyət
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 848
Rəy yaz