Açiq mənbələrdən foto.
Bakı/18.09.23/Turan: Tibbi Ərazi Bölmələrini İdarəetmə Birliyi (TƏBİB) COVID-19-un alt variantı olan EG.5 - elmi ədəbiyyatda “Eris” kimi tanınan virusla bağlı əhaliyə xəbərdarlıq edib.
TƏBİB-in yoluxucu xəstəliklər və infeksion nəzarətin təşkili şöbəsinin müdiri Nəzrin Mustafayeva bildirib ki, artıq bir neçə aydır “Eris” virusu bütün dünyada yayılır. Yeni yoluxma halları ABŞ, Çin, Böyük Britaniya və Avropanın digər ölkələrində qeydə alınıb.
Hələlik Azərbaycanda yeni ştamma yoluxma halları qeydə alınmayıb. Beynəlxalq protokollarda bu ştamma qarşı müəyyən vaksin növünün hazırlanmasına və vaksinasiyanın başlanmasına dair heç bir tövsiyə yoxdur. Hər zaman olduğu kimi, COVID-19-un bütün ştammları üzrə risk qrupuna daxil olan şəxslər daha diqqətli olmalıdırlar.
COVİD- 19 ilə əlaqədar 2020-ci ilin martından Azərbaycanda karantin elan edilib və bu qərar bu il oktyabrın 1-dək qüvvədədir. Ölkənin quru sərhədləri vətəndaşların keçidi üçün bağlıdır. -03-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz