Açiq mənbələrdən foto.
TEKNOFEST festivalı ilə əlaqədar Bakının mərkəzində nəqliyyatın hərəkəti məhdudlaşdırılacaq
Bakı/24.05.22/Turan: Mayın 26-29-da Bakıda TEKNOFEST aviasiya və kosmos festivalının keçirilməsilə əlaqədar Bakı Kristal Zalı istiqamətində və Dənizkənarı bulvar boyunca nəqliyyatın hərəkəti məhdudlaşdırılacaq. Bu barədə Bakı Şəhər Yol Polisi İdarəsinin müraciətində deyilir.
Məlumatda bildirilir ki, festivalın keçiriləcəyi əraziyə pulsuz avtobuslar saat 08:30-dan 18:00-dək, geriyə isə saat 09:00-dan 21:00-a kimi fəaliyyət göstərəcək.
“Baku Bus” MMC-nin avtobusları “28 May” metrostansiyasından Dövlət Bayrağı Meydanına və əks istiqamətdə hərəkət edəcək.
Sərnişinlərin daşınmasına “Bakı Taksi Xidməti” MMC-nin taksiləri də cəlb ediləcək.
Müasir texnika və digər avadanlıqların gətirilməsi, həmçinin qonaqların qarşılanması, onların yerləşdirilməsi və tədbirin təhlükəsiz keçirilməsilə əlaqədar Dənizkənarı bulvar və Bakı Kristal Zalı istiqamətində avtomobillərin hərəkəti məhdudlaşdırılacaq.
Şəhər sakinlərinə şəxsi avtomobillərdən istifadə etməmək və ictimai nəqliyyatdan istifadə etmək tövsiyə olunur. -06B-
Cəmiyyət
-
Yeni il gecəsinin sakitliyində, atəşfəşanlıqlar Zaqatalanın səmasını işıqlandırarkən, daha qaranlıq bir mənzərə baş verirdi. Şəhər kənarındakı Danaçı poliqonunda toplaşan təxminən 15 sahibsiz it naməlum şəxslər tərəfindən güllələnmişdi. Hadisə atəşfəşanlıqların yaratdığı səs-küy ilə üst-üstə düşərək, bu dəhşətli aktın səhərə qədər fərq edilməməsinə səbəb oldu.
-
“Azərbaycan Dəmir Yolları” QSC (ADY) yanvarın 3-dən Bakı–Balakən–Bakı marşrutu üzrə sərnişin daşımalarının bərpa olunduğunu elan edib. İlk reyslərdə oturacaqların doluluq səviyyəsi 90%-dən çox olub ki, bu da xidmətə yüksək tələbatın olduğunu göstərir.
-
Azərbaycanın Milli Hidrometeorologiya Xidməti yanvarın 6-na olan hava proqnozunu açıqlayıb. Proqnoza görə, Bakıda və Abşeron yarımadasında dəyişkən buludlu və arabir yağışlı hava şəraiti gözlənilir.
-
Azərbaycan polisi yanvarın 4-də, o cümlədən əvvəlki dövrlərə aid bir cinayət də daxil olmaqla, ümumilikdə 32 cinayətin üstünü açıb. Bu barədə Daxili İşlər Nazirliyi məlumat yayıb.
Rəy yaz