![Photo TURAN.](https://turan.az/resized/media/2022/main/050500044522-750-500-resize.webp)
Photo TURAN.
Tələbə gənclərin etiraz aksiyası
Bakı/05.05.22/Turan: "Tələbə Gücü Mərkəzi" təşkilatı cümə axşamı Təhsil Nazirliyi qarşısında etiraz aksiyası təşkil edib.
Gənclər Təhsil Nazirliyini fəaliyyətsizlikdə ittiham ediblər və üzərində "Çayxana deyilsiniz, fəaliyyət göstərin!" yazılan plakat açıblar.
Tələbələr təhsil sahəsindəki problemlərin həll edilməsini və nöqsanların aradan qaldırılmasını tələb ediblər. Onlar həmçinin ali məktəblərdə mövcud olan "despotiyaya", tələbələrin müraciətlərinə məhəl qoyulmamasına etiraz ediblər.
Aksiya iştirakçılarının bəyanatında deyilir: "Hazırda Azərbaycan universitetlərində və təhsil sistemində despotiya hökm sürür. Təhsil Nazirliyi və dövlətdən tələb edirik: dövlət universitetlərində pulsuz təhsil təmin olunsun, eyni zamanda təhsilin keyfiyyəti artırılsın, tələbələrin problemləri həll edilsin, tələbələrin iqtisadi problemləri nəzərə alınaraq yaşam təqaüdü tətbiq edilsin, eyni zamanda yataqxana problemi həll edilsin, universitetlərdə bullinq və diskriminasiya halları şəffaf şəkildə araşdırılsın, tələbələrin siyasi baxışlarına, fərqli mövqeyinə, dininə, cinsinə və orientasiyasına görə ayrı-seçkiliyə son qoyulsun".
Aksiya iştirakçıları bildiriblər ki, bu məsələlərlə bağlı Təhsil Nazirliyinə dəfələrlə müraciət etmələrinə baxmayaraq, heç bir tədbir görülməyib.
Polis əməkdaşları və Təhsil Nazirliyinin əməkdaşları etirazçıların təmsilçilərini idarəyə dəvət ediblər.
Təhsil Nazirliyindən şərh almaq mümkün olmayıb. -06В-
-
- İqtisadiyyat
- 5 May 2022 12:33
-
- Maliyyə
- 5 May 2022 13:41
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz