Tələbə kreditləri 20 il müddətinə veriləcək

Bakı/18.06.21/Turan: Tələbə Təhsil Kredit Fondu  aztəminatlı ailələrdən olan gənclərin təhsilinin maliyyələşdirilməsi üçün yaradılıb. Bu barədə təhsil naziri Emin əmrullayev bugünkü mətbuat konfransında bildirib.

Fond əsasən dövlət hesabına maliyyələşəcək, 80 milyon manatlıq nizamnamə kapitalı təyin olunub.

Kreditlər əsasən iki qrupa bölünür:  sosial həssaz tələbə qrupları ücün, onlara 2 faiz civarında kreditlər veriləcək və standart, sosial həssaz qruplara aid olmayanlar tələbələr ücün daha böyük faiz müəyyənləşəcək.

Nazir deyib ki, söhbət ölkədə daha cox tətbiq edilən 900 manatdan 9 min manatadək illik təhsil haqqının kreditin köməyilə maliyyələşdirilməsindən gedir.

Faizlərin və ödəmələrin məbləgində ali təhsil müəssisəsinə giriş və kursdan kursa kecid balları nəzərə alınacaq. Tələbə yaxşı oxuyursa kreditin qaytarılması və kreditin miqdarına baxıla bilər.

Təhsil krediti alanlar 20 il ərzində borcu hissələrlə qaytara biləcəklər.

Borcu geriyə qaytarmaq imkanı olmadıqda onlara Fond tərəfindən möhlət verilə bilər.

Nazirin sözlərinə görə, təhsil kreditləri tələbəyə deyil, onun oxudugu ali təhsil müəssisəsinə veriləcək.–06D-