Bakı/05.02.19/Turan: Teref.info saytının baş redaktoru Nurəddin İsmayılovun (Nurəddin Xoca) cinayət işinin ibtidai istintaqı başa çatıb. İş Bakı Ağır Cinayətlər Məhkəməsinə verilib. Hakim Zeynal Ağayevin sədrliyilə hazırlıq iclası fevralın 11-nə təyin edilib.
Baş redaktora qarşı Cinayət Məcəlləsinin 281.2-ci (dövlət əleyhinə yönələn açıq çağırışlar), 309-cu (vəzifə səlahiyyətlərini aşma) və 313-cü (vəzifə saxtakarlığı) maddələri ilə ittiham irəli sürülüb. Bu barədə Turan-a N.Xoca özü məlumat verib.
"İttihamın məzmununu belə başa düşə bilmirəm. Bu ittiham əslində dünyanı Azərbaycanın hüquq sisteminə güldürmək kimi başa düşülməlidir," - o qeyd edib.
Baş redaktora qarşı cinayət işi 2018-ci il iyulun 13-də Bakı Şəhər Prokurorluğunda qaldırılıb.
Buna səbəb kimi musavat.com saytından "Etibar Pirverdiyervin kriptovalyuta biznesi ortaya çıxdı" və reprtyor.info saytındakı "Azərenerji yoxanılır, Pirverdiyev işıq terroru üçündindirilir-finski korrupsiya" başlıqlı məqalələrin dərcidir.
"Bu yazılarda dövlət əleyhinə yönələn hər hansı çağırış yoxdur. Əksinə, bir məmurun ölkəni elektrik enerjisiz qoymasından söhbət gedir. 2018-ci il iyulun 3-də Mingəçevir İstilik Elektrik Stansiyasında baş verən qəza nəticəsində ölkədə elektrikin verilməsində uzun müddət fasilə yaranıb. Qəzanın səbəbini araşdırmaq üçün Dövlət Komissiyası yaradılıb", - N.Xoca qeyd edib.
N. Xoca diqqəti ona yönəldib ki, "KİV haqqında" qanuna görə, başqa nəşrdə olunan məlumatın təkrar dərcinə görə media orqanı məsuliyyət daşımır.
O deyib ki, iyulun 13-də hər hansı məhkəmə qərarı olmadan sayt bloklanıb.
Xatırladaq ki, 2018-ci il iyulun 3-də Mingəçevir İES-də baş vermiş qəza nəticəsində ölkə zülmətə qərq olmuşdu.
Qəzanın səbəblərinin araşdırılması üzrə Dövlət Komissiyasının rəyi əsasında "Azərenerji" ASC-nin prezidenti Etibar Pirverdiyev vəzifəsindən azad edilib.-03B06--
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz