![“Tərtər işi” üzrə mühakimə olunmuş işgəncələrdən danışıb](https://turan.az/resized/media/2020/main/011000024195-750-500-resize.webp)
“Tərtər işi” üzrə mühakimə olunmuş işgəncələrdən danışıb
Баку/10.01.20/Turan: “Tərtər işi” üzrə mühakim olunmuş Müşviq Əhmədli Repressiya və İşgəncələr Əleyhinə Komitəyə məktub göndərib. O, dövlətə xəyanət ittihamını rədd edir və uydurma ittihamlarla məhkum olunduğunu bildirir.
M.Əhmədli yazır ki, bölük komandiri olub. Mayın 1-dən 2-nə kecən gec onların bölməsi qəfildən Tərtər istiqamətində döyüş mövqelərindən çıxarılıb, tərksilah edilib və əvvəlki dislokasiya yerinə aparılıb.
Onları sıra ilə meydana düzüb telefonlarını alıblar. Sonra açıq şəkildə deyiblər ki, “aranızda ermənilərə işləyənlər var”.
“Axşam saat 6-ya yaxın leytenant Nasif Əliyevi aparıblar. Saat 9-10-a yaxın məni, Elnur Hacıyev və Dursun Əlilini tutdular”, - M.Əhmədli yazır.
“Köhnə qərargahın binasında korpusun hüquqşünası, mayor Fuad Ağayev məni qaranlıq otağa apardı və dərhal yerə yıxdı. Sonra maskalı adamlar paltarımı cırdılar, üstümə su tökdülər və rezin şlanqla döyməyə başladılar.
Həmçinin kiçik çavuş Elxan Ağazadəni döydülər, bədəninə elektrik cərəyanı buraxdılar. Aprel döyüşlərinin iştirakçısı çavuş Mehman Hüseynovu da döydülər.
E.Ağazadə və M.Hüseynovu məcbur etdilər ki, leytenant Nasif Əliyevə qarşı ifadə versinlər ki, sonuncu onların vasitəsilə ermənilərlə əlaqə saxlayıb. Əsgərlərin çoxu işgəncələrə dözə bilməyərək yalan ifadələr verdilər.
Mayın 5-6-da Bakıdan xüsusi təyinatlılar gəldilər və həbs olunanları döyməyə, işgəncə verməyə davam etdilər”. M.Əhmədli yazır ki, atasına, anasına və hamilə həyat yoldaşına qarşı zorakılıqla bağlı hədələrdən sonra yalan ifadə verib.
Mayın 8-də M.Əhmədlini ağır vəziyyətdə Ağcabədidəki hospitala aparıblar. Reanimasiyada onu yatağa bağlı vəziyyətdə saxlayıblar, sonra Bakıdakı mərkəzi hospitala köçürüblər.
Bir neçə gündən sonra M.Əhmədlini hərbi polisə aparıblar, orada döyməyə davam ediblər. Gün ərzində yarım dilim çörək veriblər, bir dəfə tualetə aparıblar. Bütün günü ayaqda saxlayıblar.
“Mən ermənilərə işləmədiyimi bildirdim. Və düşmənlə əməkdaşlıq edən birini tanımadığımı dedim. Buna görə məni döyməyə və əziyyət verməyə davam etdilər”, - F.Əhmədli qeyd edib.
Mayın 18-də onu Aran qəsəbəsində hərbi hissəyə aparıblar, o, vəkil tələb edib. Yevlaxdan Zaur adlı vəkil gəlib və onun yanında M.Əhmədlini yenidən döyüblər. Və tələb ediblər ki, erməni tərəfinə əsgər göndərdiyini etiraf etsin.
M.Əhmədli yazır ki, dəfələrlə Dövlət Təhlükəsizliyi Xidmətinə, ombudsmana, prezidentə şikayət yazıb, məhkəmədə hər şeyi danışıb, amma hamısı boş yerə.
“İstintaq təcridxanasında bir nəfər yanıma gəldi və dedi ki, əgər ermənilərlə əlaqəmin olması barədə ifadə verməsəm oğlumu və ailəmin digər üzvlərini itirə bilərəm. Mən imtina etdim və 16 il azadlıqdan məhrum edildim”, - M.Əhmədli daha sonra yazır.
*2017-ci il mayın 7-də Baş Prokurorluq, Dövlət Təhlükəsizliyi Xidməti, Müdafiə Nazirliyi və Daxili İşlər Nazirliyi bir qrup hərbi qulluqçu və mülki şəxsin Ermənistan xüsusi xidmət orqanlarının xeyrinə casusluq etdiyinə görə saxlandığını bildiriblər. Prokurorluq Cinayət Məcəlləsinin 274-cü (dövlətə xəyanət) maddəsi ilə cinayət işi açıb. Saxlanılanlar müxtəlif müddətə azadlıqdan məhrum ediliblər. Ancaq tezliklə məlum olub ki, istintaq zamanı ən azı 8 şübhəli işgəncə nəticəsində ölüb. Öldürülən dörd nəfər sonradan bəraət alıb, onlara qarşı ittihamları saxtalaşdıran müstəntiqlər 7 ilə qədər həbs cəzası alıblar.30C-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz