Tofiq Yaqublu. Açiq mənbələrdən foto.
Tofiq Yaqublu kritik vəziyyətdədir
Bakı/16.09.20/Turan: 15 gündür aclıq edən müxalif siyasətçi Tofiq Yaqublu kritik vəziyyətdədir. Bu barədə bu gün atası ilə telefonla danışan qızı Nigar Həzi bildirib.
“Vəziyyəti çox pisdir. Dəhşətli dərəcədə halsızdır. Dedi ki, köməksiz ayağa dura bilmirəm, nə qədər çalışıram yumruğumu sıxa bilmirəm, gözüm çox pis görür, artıq eynək belə kömək etmir”, deyə Həzi öz facebook səhifəsində yazıb.
Bu gün qan analizi götürülüb, nəticəsi çox pis çıxıb. Təcili qan köçürülməlidir. “Həkim qeyd etdi ki, həyatı üçün ciddi təhlükə var. Hər an komaya düşə bilər və biz Tofiq Yaqublunu itirə bilərik”, deyə Həzi yazıb.
Onun sözlərinə görə atası belə deyib: “Balam, mən ölürəm. Artıq heç taqətim qalmayıb. Sümüklərim çox sızıldayır. Bilmirəm nə qədər ömrüm qalıb”.
Öz növbəsində, doktor Adil Qeybulla Turan-a bildirib ki, həkimlərin israrlı çağırışlarına baxmayaraq, Yaqublu aksiyanı davam etdirir.
“Əlbəttə onun səhhəti ilə bağlı müəyyən tibbi korreksiyalar edirik. Aclığın ikinci həftəsi bitir. Burada əvvəlcə bədənin piy resurslarından sonra əzələlərin energetik materiala çevrilməsi prosesi gedir. Əlbəttə, bunlar kifayət qədər iz buraxacaq. Hazırda müəyyən zəiflik var, halsızlıq var. Bunlar davam edir”, deyə həkim bildirib.
Yaqublunun orqanizminin aclığa nə qədər davam gətirə biləcəyi ilə bağlı sualın cavabında o deyib ki, belə davam etsə təzyiqin enməsi baş verə bilər. Bu halda huşunu yavaş-yavaş itirir. Bundan sonra insan koma vəziyyətinə düşür. Komaya düşərsə məcburi müdaxilə olunacaq.
Qeybulla Yaqublunu quru aclığa getməməyə razılaşdırmağa nail olacaqlarına ümid edir. O, hüquqi məsələlərin həllini tapacağından və qətimkan tədbirinin dəyişdiriləcəyindən əminliyini ifadə edib. -06D-
-
- Siyasət
- 16 Sentyabr 2020 15:36
-
- İqtisadiyyat
- 16 Sentyabr 2020 15:57
Cəmiyyət
-
Respublika Sanitariya-Karantin Mərkəzinin vəzifəli şəxsləri cinayət məsuliyyətinə cəlb ediliblər. Bu barədə Baş Prokurorluq və Səhiyyə Nazirliyinin birgə məlumatında deyilir.
-
Mayın 2-də Bakıda və Abşeronda yağıntı gözlənilmir, şimal-qərb küləyi əsəcək, arabir güclənəcək. Havanın temperaturu gecə müsbət 13+16, gündüz müsbət 19+23 dərəcə olacaq.
-
Ötən gecə iki avtoxuliqan şəhərin mərkəzində yarışa girərək, zəncirvari qəza törədib.
-
Azercell-in dəstəyi ilə beynəlxalq olimpiadalara hazırlaşan məktəblilər daha 10 medal qazanıblar 16-21 aprel 2024-cü il tarixlərində Bolqarıstanın Şumen şəhərində informatika fənni üzrə yüksək səviyyəli turnir keçirilib. Sözügedən müsabiqədə “Azercell Telekom” MMC-nin Elm və Təhsil Nazirliyinin tərəfdaşlığı çərçivəsində İnformatika üzrə beynəlxalq olimpiadalara hazırlaşan məktəblilərimiz uğurlu nəticələr əldə ediblər. Onlayn fortmatda yarışa qatılan şagirdlər yuxarı yaş qrupu üzrə 5 gümüş, aşağı yaş qrupu üzrə 5 bürünc medal olmaqla ümumilikdə 10 medal qazanıblar.
Rəy yaz