Tofiq Yaqublu. Açiq mənbələrdən foto.
Bakı/05.09.20/Turan: Müxalifətçi siyasətçi Tofiq Yaqublunun aclıq aksiyasının dördüncü günü səhhətində problemlər yaranıb. Bu barədə atası ilə telefonla danışan qızı Nigar Həzi məlumat verib.
Onun sözlərinə görə, 4 günlük aclıq aksiyası artıq siyasətçinin sağlamlığına təsir göstərməyə başlayıb. Onda tez-tez başgicəllənmə baş verir, zəifləyib.
Belə vəziyyətə baxmayaraq, heç bir tibbi müayinə aparılmayıb.
N.Həzinin qeyd etdiyi kimi, aclıq aksiyasının ilk nəticələri onun sağlamlığı üçün həyəcan siqnalıdır.
“Təcridxananın əməkdaşları dərhal Tofiq Yaqublunun səhhətilə maraqlanmalı və tibbi hissədən onun müayinəsinə göstəriş verməlidir. Təcridxana rəhbərliyi Tofiq Yaqublunun indiki durumunu nəzərə alaraq onun hər gün ailəsi ilə telefon danışığını təmin etməlidir. Biz hər gün onun səsini eşitməsək, ona nəsə olduğunu zənn edəcəyik”, - N.Həzi deyib.
O, T.Yaqublu ilə baş verənlərə və baş verəcəklərə görə məsuliyyəti Azərbaycan rəhbərliyinin üzərinə qoyub.
Bununla yanaşı, N.Həzi qeyd edib ki, T.Yaqublu ruh yüksəkliyi saxlaybş və onu dəstəkləyənlərin hamısına minnətdarlığını bildirib.
“Həbsxananın rəis müavinləri atadan aclıq aksiyasını dayandırmağı xahiş ediblər. O belə cavab verib: “Yolundan dönməkdənsə ölmək yaxşıdır. Əgər mən ölsəm, həyatımı xalqım, vətənim üçün verəcəyəm. Geriyə yol yoxdur”!
Demokratik Qüvvələrin Milli Şurasının və Müsavat Partiyasının üzvü Tofiq Yaqublu martın 22-də yol qəzasından sonra saxlanılıb. O, başqa bir maşının sürücüsü və sərnişinə hücumda günahlandırılıb. Ancaq buna sübut olmayıb.T.Yaqublu baş verənləri təxribat kimi dəyərləndirib. Sentyabrın 2-də o, məhkəmədə aclıq elan edib. Sentyabrın 3-də məhkəmə onu 4 il 3 ay müddətinə azadlıqdan məhrum edib. Beynəlxalq təşkilatlar hökmü pisləyiblər. Beynəlxalq Amnistiya təşkilatı T.Yaqublunu “vicdan məhbusu” kimi tanıyıb.06D-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz