Toydan sonra nağara: dağıtdıqları Bakı arxitekturası indi yadlarına düşüb

Noyabrın 1-də “Landmark” biznes mərkəzində Avropa İttifaqının Azərbaycandakı nümayəndəliyinin təşkil etdiyi “Fantaziya” mədəniyyət festivalı çərçivəsində birgünlük “Bakının qorunan inciləri” sərgisi keçirilib.

Son ildə edilən çoxsaylı müraciətlərə baxmayaraq, şəhərdəki muzeylərin heç biri sərgini qəbul etməyə razı olmayıb. Ancaq “Landmark” bir gün sərgini keçirməyə razılaşıb”, - memar Elçin Əliyev bildirib.

Beş gün sonra, noyabrın 5-də ölkə prezidenti Bakı Şəhər İcra Hakimiyyətinin başçısı E.Əzizovun qarşısında çıxış edərək “tarixi və memarlıq obyektləri statusuna malik binaların yerində eybəcər hündürmərtəbəli binaların inşa edilməsinə” icazə verən məmurları pisləyib.

“Kavkazskiy uzel”in prezidentin nitqilə bağlı qeydləri: “Bu il Bakıda “Mərkəzi park”ın açıldığı yerdə ekskavatorlar tarixi binaları dağıdanda adamlar dayanıb kameralara çəkirdilər, kimisi ağlayırdı. Kökündən qoparılmış ağaclar, yaşayış həyətlərində hündürmərtəbli evlərin tikintisi barədə təlaşlı məqalələrin sayı prezidentin dünən dedikləri ilə bir araya sığmır. Birdən-birə belə çıxış..   

Bəlkə heç olmamaqdansa gec olması yaxşıdır? Xeyr, toydan sonra nağara. Ən yaxşısı hər şeyi vaxtında etməkdir, gecikmədən...

Sərgidə nümayiş etdirilən fotolardan bəzisini təqdim edirik.--0--