Açiq mənbələrdən foto.
Bakı/23.07.21/Turan: Tufandağda həlak olan alpinistlərin xatirəsinə quraşdırılan lövhə oğurlanıb. Alpinist Qərib Tağızadə Facebook səhifəsində yazıb ki, bir neçə il öncə qar uçqununda həlak olmuş dostları, alpinistlər Namin, Babur və Fəridənin xatirəsinə Tufandağın şimal ətəyində Mahmud dərədə quraşdırdıqları lövhə oğurlanıb.
“Bu xəbər mənə çox pis təsir etdi, cəmiyətimizdə ölülərə, qəbirlərə, xatirə yerlərinə, abidələrə həmişə hörmət olub, lövhəni quraşdıranda bu cür barbarlıqla rastlaşa biləcəyimizi ağlımıza belə gətirmədik. Lövhə bürüncdən hazırlanmışdı, çox güman ki metal yığan məntəqələrə satılıb və ya satılacaq. Tapılsa, onu metal məntəqədən pul ilə alıb yenidən yerinə quraşdırmaq istərdik. Dostlar, xahiş edirəm bu statusu paylaşın ki, bunu edən şəxs görüb utansın və lövhə tapılıb yerinə qayıtsın”, deyə alpinist qeyd edib.
2018-ci il dekabrın 23-də Quba rayonunun Xınalıq kəndindən (Bakıdan 190 kilometr şimal) Tufandağ istiqamətində yürüşə çıxan zaman “Gilavar” Hava və Ekstrim İdman Klubunun üzvləri Fəridə Cəbrayılzadə, Babur Hüseynov və Naim Bünyatzadə itkin düşüb. Qar uçqununa düşərək həlak olan alpinistlərin cəsədləri 2019-cu ilin yazında tapılıb. -03D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz